ބްލެކްމެއިލް ކުރި މައްސަލައެއްގެ ތަހުގީގަށް މީހަކު ހޯދަނީ

ބްލެކްމެއިލްކޮށް ބިރުދައްކާ މައްސަލައަކާ ގުޅިގެން ސުވާލުކުރުމަށް، ބ. އޭދަފުށި ޕޮލިސް ސްޓޭޝަނުން މީހަކު ހޯދަން ފަށައިފިއެވެ.

ފުލުހުން މިއަދު ހޯދަން އިއުލާނުކޮށްފައި ވަނީ ބްލެކްމެއިލްކޮށް ބިރުދައްކާ މައްސަލައަކާ ގުޅިގެން ފުލުހުންގެ ތަހުގީގަށް ހާޒިރުނުކުރެވިގެން އުޅޭ މީހެކެވެ. ހޯދަމުން ދަނީ ހދ. ނޮޅިވަރަން / ހަމްނާ، އަޙްމަދު ޝަހްބާން (27އ)އެވެ.

އޭނާގެ މައްޗަށް ތުހުމަތުކުރާ ބިރުދެއްކުމުގެ މައްސަލައިގެ ތަފްސީލެއް ފުލުހުން ހާމައެއް ނުކުރެ އެވެ. ތަހުގީގަށް ޝަހްބާން ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައިނުވާ ކަމަށެވެ. އަދި އޭނާގެ އާއިލާއަށް ޝަހްބާން އުޅޭ ވަކިތަނެއް އެނގިފައިނުވާ ކަމަށް ފުލުހުން ބުންޏެވެ.