ކުޅުދުއްފުށީގައި އަލަށް އަޅާ ހޮސްޕިޓަލް ދެވަނަ ކުއާޓާގައި ޓެންޑާރ ކުރެވޭނެ

ރާއްޖޭގެ ގިނަ ރަށްތަކެއްގައި އަޅަން ނިންމާފައިވާ ހޮސްޕިޓަލްތަކުގެ އަޕްޑޭޓެއް ހެލްތު މިނިސްޓަރު އަހުމަދު ނަސީމް ދެއްވައިފި އެވެ.

މިއަދުގެ މަޖިލީހުގައި މެންބަރުން ކުރެއްވި ސުވާލުތަކަށް ޖަވާބު ދެއްވަމުން މިނިސްޓަރުވަނީ ސަރުކާރުން އަޅަން ހަމަޖެހިފައިވާ ހޮސްޕިޓަލްތަކުގެ ތަފްސީލުތަކާއި ޓެންޑާ ކުރެވޭނެ މުއްދަތުގެ ތަފްސީލްތައްވެސް ދެއްވާފައެވެ.

ބޭރުގެ ލޯނުގެ އެހީގައި އަޅާ ހޮސްޕިޓަލްތައް

އެގޮތުން މިނިސްޓަރު ވިދާޅުވީ 30 އެނދުގެ ހޮސްޕިޓަލްތައް އަންނަ މާޗު މަހު ޓެންޑާ ކުރެވޭނެކަމަށާއި 50 އެނދުގެ ހޮސްޕިޓަލްތައް މިއަހަރުގެ ދެވަނަ ކުއާޓާގައި ޓެންޑާ ކުރެވޭނެ ކަމަށެވެ.

އަދި ޓާޝަރީ ހޮސްޕިޓަލްތައް ދެވަނަ ކުއާޓާގެ ފަހުބައިގައި ޓެންޑާ ކުރެވޭނެ ކަމަށްވެސް މިނިސްޓަރު ވިދާޅުވި އެވެ.

ކޮންޓްރެކްޓް ފައިނޭންސްގެ ގޮތުގައި އަޅާ ހޮސްޕިޓަލްތަކުގެ ތަފްސީލް

މިބައިގައި ހިމެނޭ ހޮސްޕިޓަލްތަކުގެ ތެރެއިން 30 އެނދުގެ ހޮސްޕިޓަލްތައް މިހާރު ވަނީ ޓެންޑާ ކުރެވިފަ ކަމަށާއި 50 އެނދުގެ ހޮސްޕިޓަލް ދެވަނަ ކުއަޓާގައި ޓެންޑާ ކުރެވޭނެ ކަމަށް މިނިސްޓަރު ވިދާޅުވި އެވެ.

އިންޑިއަން އެކްސިމް ބޭންކުގެ އެހީގައި އަޅާ ހޮސްޕިޓަލްތައް

މި ހޮސްޕިޓަލްތައް ޓެންޑާ ކުރެވިގެންދާނީ ދެވަނަ ކުއަޓާގައިކަމަށް މިނިސްޓަރު ވިދާޅުވި އެވެ.