އިނގިރޭސީންގެ އަތުން ރާއްޖެ މިނިވަންވުމުގައި އިންޑިއާގެ އެހީތެރިކަން ބޮޑު: ނަޝީދު
ދިވެހިރާއްޖެ އިނގިރޭސިންގެ ހިމާޔަތުގެ ދަށުން މިނިވަންވީ އިންޑިއާގެ އެހީތެރިކަމާއެކުގައި ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ޕީޕީއެމުން ކުރިއަށް ގެންދާ "އިންޑިއާ އައުޓް" ހަރަކާތުގެ ތެރެއިން މާލޭގައި ބާއްވާ ބޮޑު އެއްވުން ހުއްޓުވުމަށް ކާށިދޫ ދާއިރާގެ މެންބަރު ޢަބްދުﷲ ޖާބިރު ހުށަހެޅުއްވި ކުއްލި މައްސަލައިގެ ބަހުސް މިއަދު ވަނީ ރައްޔިތުންގެ މަޖިލީހުގައި ކުރިއަށްގެންގޮސްފަ އެވެ.
މިމައްސަލައަށް ބަހުސް ކުރަމުން ނައިފަރު ދާއިރާގެ އިދިކޮޅު މެންބަރު އަޙުމަދު ޝިޔާމް ވިދާޅުވީ އިންޑިއާ ފަސްޓު ޕޮލިސީއަކީ ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި ވެސް ގެންގުޅުއްވި ޕޮލިސީއެއް ކަމަށެވެ.
އެހެންނަމަވެސް މި ސަރުކާރުން އިންޑިއާއާއެކު ހަދައިފައިވާ އެއްބަސްވުންތައް ސިއްރުކޮށްފައިވާތީ، އެ ކަމުގެ ސަބަބުން ރައްޔިތުންގެ ހިތްތަކުގައި ނުތަނަވަސްކަން އުފެދިފައިވާ ކަމަށް ޝިޔާމް ވިދާޅުވި އެވެ.
ޝިޔާމްގެ ވާހަކައަށް ފަހު ރައީސް ނަޝީދު ވިދާޅުވީ 1947 ވަނަ އަހަރު އިންޑިއާއަށް މިނިވަންކަން ލިބުނުއިރު، ރާއްޖެ ބަލަހައްޓަމުން އައީ ސިލޯނުގައި އޮތް ކޮލޯނިއަލް ސަރުކާރުގެ އެޑްމިނިސްޓްރޭޝަނުން ކަމަށެވެ.
ހަމައެހެންމެ އެ އަހަރު ރާއްޖެއަށް މިނިވަންކަން ނުލިބި އިންޑިއާއާއި ޕާކިސްތާނަށް މިނިވަންކަން ލިބުނު ސިއްރެއް އޮންނާނެކަން ފާހަގަކުރައްވައި، ނަޝީދު ވިދާޅުވީ ރާއްޖެ މިނިވަންވެފައިވަނީ އިންޑިއާގެ އެހީތެރިކަމާއެކުގައި ކަމަށެވެ.
ރާއްޖެ އިނގިރޭސިން އަތުން މިނިވަންވީ އިންޑިއާގެ އެހީތެރިކަމާއެކުގައި ކަން ފާހަގަކުރައްވަމުން ނަޝީދު ވިދާޅުވީ އެނގިފައި އޮތް ގޮތުގައި އިބްރާޙީމް ޝިހާބު، ޕްރައިމް މިނިސްޓަރު ނެހެރޫއާއި ބައްދަލުކުރެއްވި، އަދި ދިވެހިރާއްޖެއަކީ ވަކި މިނިވަން ދައުލަތެއްގައި ގޮތުގައި 1968 ގައި ފަހުން ކަނޑައެޅި ހަމަޖެހި މިއޮތީ އިންޑިއާގެ ބައިވެރިވުން ވަރަށް ބޮޑަށް އޮވެގެން ކަމަށެވެ.
ހިރިނައިދޫ، ނެއްލައިދޫގެ ބައެއް ކަމުގައި ކަނޑައަޅުއްވައިފި
ބޯޒިޔާރާތް ބީޗް ތަރައްގީކުރަން ޕްލަސް ބީ އާ ހަވާލުކޮށްފި
އަންހެނުން ކޮމެޓީން ތަޖުރިބާ ހޯދަން މިފަހަރު ދިޔައީ ލަންކާއަށް
ހަނިމާދޫ ސްކޫލްގެ އެންމެ މޮޅު ދަރިވަރަކަށް ނާއިލް
