ތަސްލީމާގެ ބަދިގެ: ތަންދޫރީ ޗިކަން

ނަބީލާ އިސްމާޢީލް

Apr 4, 2022

"ތަސްލީމާގެ ބަދިގެ" ޕްރޮގްރާމްގައި ރަމަޟާން މަހުގެ މިއަދު މި ގެނެސްދެނީ ތަންދޫރީ ޗިކަން ތައްޔާރު ކުރާނެ ގޮތެވެ. މިއީ ބަތް، ނުވަތަ ޕަރާޓާ ކަހަލަ މެއިން ޑިސްއަކާ އެކޮށް ކާލަން ވަރަށް މީރު ޑިސް އެކެވެ.

ބޭނުންވާނެ ތަކެތި:

1000ގ ގެ ކުކުޅު (ކޮށާފަ)
ތަންދޫރީ މަސާލާ (ޝާން ބްރޭންޑް)
1 ތަށި ޕްލޭން ޔޯގަޓް
1 ފިޔާ
5 ލޮނުމެދު
2 ސ ސަމްސާ ކުކުޅު ހަވާދު
1 އިންޗި އިނގުރު ކޮޅެއް
1/2 މ ސަމުސާ މުގުރި އަސޭމިރުސް
1/2 މ ސަމްސާ މުގުރި ކޮތަނބިރި
1 ސ ސަމްސާ ލޮނު
1 ލުނބޯ
ކާކުލަ ކޮޅެއް (ބޭނުން ނަމަ)
1/2 ގޮތިޔޮ މިރުސް

ތައްޔާރު ކުރާނެ ގޮތް:

ކުކުޅު، ޔޯގަޓް އަދި ލުނބޯ ނޫން އެހެން ހުރިހާ އެއްޗެއް މިކުސްޗަރ އަށް އެޅުމަށްފަހު ޕޭސްޓް ގަނޑެއް ހަދާލާށެވެ. ބޮޑު ތައްޓަކަށް ޕޭޓް ގަނޑު އެޅުމަށްފަހު ޔޯގަޓު ލުނބޯ އެއްކޮށްލާށެވެ. ދެން އޭގެ ތެރެއަށް ކުކުޅުކޮޅު އަޅާ އެއްކޮށްލުމަށްފަހު ރަނގަޅަށް މަތި ބަނދު ކޮށްލާފަ 30 މިނެޓް ވަންދެން މެރިނޭޓް ކުރަން ބަހަޓާށެވެ. އެއަށްފަހު އަވަނުން ފިހެލާށެވެ.