ކުރިއަށް އޮތް ފިތުރު އީދާ ދިމާކޮށް، އަގުހެޔޮކޮށް މެލޭޝިއާ ދަތުރުތަކެއް ބާއްވަން މޯލްޑިވިއަންއިން ނިންމައިފިއެވެ.
މޯލްޑިވިއަނުން ބުނީ އީދާ ދިމާކޮށް ފްލައިޓެއް ބޭއްވުމަށް ނިންމާފައިވާ ކަމަށާއި، ޑިމާންޑު އިތުރުވާ ވަރަކަށް އިތުރު ފްލައިޓުތައް ބާއްވާނެ ކަމަށެވެ.
ފުރަތަމަ ފްލައިޓް މާލެއިން ފުރާނީ، މި މަހުގެ 28 ވަނަ ދުވަހުގެ މެންދުރު 1:20ގައި ކަމަށެވެ. އެ ފްލައިޓު އެނބުރި މާލެ އަންނާނީ، އަންނަ މަހުގެ ހަތްވަނަ ދުވަހުއެވެ.
ދަތުރުގެ ފެށޭ އަގަކީ، ދެކޮޅު ޓިކެޓަށް 399 ޑޮލަރެވެ. އެއް ފްލައިޓް ބާއްވާނަމަ އޮންނާނީ 200 ޖާގަ ކަމަށާއި، ނަމަވެސް ޑިމާންޑު އިތުރުވެއްޖެ ނަމަ އިތުރު ފްލައިޓުތައް ބާއްވާނެ ކަމަށް ޖެނިފާ ވިދާޅުވިއެވެ.
ކޮވިޑް-19ގެ ބަލިމަޑުކަމަށްފަހު މެލޭޝިއާގެ ބޯޑަރު އަލުން ހުޅުވާލާފައި ވަނީ މި މަހުގެ ފުރަތަމަ ދުވަހުއެވެ.
