"ތަސްލީމާގެ ބަދިގެ" ޕްރޮގްރާމްގައި ރަމަޟާން މަހުގެ މިއަދު މި ގެނެސްދެނީ ޗިކަން މަންޗޫރިއަން ތައްޔާރު ކުރާނެ ގޮތެވެ. މިއީ ވަރަށް މީރު ސައިޑް ޑިސްއެކެވެ.
ކުކުޅުކޮޅު ތެރެއަށް ބިހުގެ ހުދުބައި، ލޮނު އަދި ކޯން ފުލާ އެޅުމަށްފަހު ރަނގަޅަށް އެއްކޮށްލާށެވެ. އެއަށްފަހު މުރަނަވެލަންދެން ތެލުލާށެވެ. ތަވަޔަށް ތެޔޮފޮދެއް އެޅުމަށްފަހު ފިިޔާ، ބެލްޕެޕާރ، ކެރެޓް އަދި ލޮނުމެދު އެޅުމަށްފަހު ހަނާކޮށްލާށެވެ. އެއަށްފަހު އަސޭމިރުސް، ލޮނު، ސޯޔާސޯސް، ހަކުރު އަދި އޮއިސްޓަރ ސޯސް، ވިނިގަރ އަޅާ އެއްކޮށްލާށެވެ. ދެން ކުޑަ ކޯންފުލާ ކޮޅެއް ފެންފޮދެއްގައި ގިރުވާލާފައި އެއްކޮށްލާށެވެ. އެއަށްފަހު ކުކުޅުކޮޅު އަޅާ 5 ވަރަކަށް މިނެޓްވަންދެން ކައްކާލާށެވެ.