ކުޅުދުއްފުށީ އެއާޕޯޓް ފެންސުން ބޮޑުބައެއް ވެއްޓިއްޖެ

ގަދަ ވަޔާއެކު ކުޅުދުއްފުށީ އެއާޕޯޓުގައި ޖަހާފައިވާ ފެންސުގެ ބޮޑުބައެއް ވެއްޓިއްޖެ އެވެ. ފެންސް ވެއްޓިފައިވަނީ މިއަދު މެންދުރުއައި ކޮޅިގަނޑުގަ އެވެ.

އެގޮތުން އެއާޕޯޓުގެ ހުޅަނގު ފަރާތުގައި ޖަހާފައިވާ ފެންސުގެ ބޮޑު ބައެއް ވަނީ ވެއްޓިފައެވެ. ފެންސު ނެގުމަށް އަދި އެއްވެސް މަސައްކަތެއް ކުރަމުން ނުދާކަން ފާހަގަކޮށްލެވެއެވެ.

މިހާރު ރާއްޖެއަށް ކުރަމުންދާ ވިއްސާރާގައި އުތުރާ މެދުރާއްޖޭތެރެއަށް ކުރިއަށް އޮތް ހަފްތާވެސް މޫސުން ގޯސްވާނެކަން މެޓް އޮފީހުން މައުލޫމާތު ދެއެވެ.

އުތުރުގެ އަތޮޅުތަކަށް ހުދު ސަމާލު ނެރެފައިވާއިރު އުތުރާއި މެދުތެރޭގެ އަތޮޅުތަކަށް، ގަޑިއަކު 15 މޭލާއި 25 މޭލާއި ދެމެދުގެ ބާރުމިނުގައި ވައިޖެހޭނެ ކަމަށް މެޓު އޮފީހުން މައުލޫމާތު ދެއެވެ.