ޑޮލަރު އެކައުންޓުން ނަގުދު ފައިސާ ނެގޭ ލިމިޓް އުވާލައިފި

މަހެއްގެ މައްޗަށް އޭޓީއެމް މެދުވެރިކޮށް ނެގޭ ޑޮލަރުގެ ލިމިޓު ބޭންކް އޮފް މޯލްޑިވްސް (ބީއެމްއެލް)އިން އުވާލައިފި އެވެ.

މީގެކުރިން އޮތީ މަހެއްގެ މައްޗަށް 2،000 ޑޮލަރު ނެގޭ ގޮތަށް ލިމިޓްކޮށްފަ އެވެ.

ބީއެމްއެލްއިން ބުނީ މިއަދުން ފެށިގެން ހ މެރިން ޑްރީމް، ވެލާނާ އިންޓަނޭޝަނަލް އެއާޕޯޓް އަދި ހުޅުމާލެ ރެނާޓަސް އިތާ މުއި ގައި ގާއިމްކޮށްފައިވާ ޑޮލަރު އޭޓީއެމްތަކުން ދުވާލެއްގެ މައްޗަށް 1600 ޑޮލަރާ ހަމައަށް ނެގޭނެ ކަމަށެވެ.

މީގެ އިތުރުން ޑޮލަރު އެކައުންޓް ޕްރައިމަރީ އެކައުންޓުގެ ގޮތުގައި ހަމަޖައްސާފައިވާ ޑެބިޓް ކާޑުތަކުން ކޮންމެ ދުވަހަކު 3،000 ޑޮލަރާ ހަމަޔަށް ރާއްޖޭން ބޭރުގެ މުއާމަލާތްތައް ކުރެވޭނެ ކަމަށް ވެސް ބީއެމްއެލް އިން ބުންޏެވެ.

ބީއެމްއެލް އިން އިތުރަށް ބުނީ ޑޮލަރު އެކައުންޓުން އިންޓަނެޓް އަދި މޯބައިލް ބޭންކިން މެދުވެރިކޮށް އިންޓަނޭޝަނަލް މަނީ ޓްރާންސްފާގެ ހިދުމަތް ވެސް ލިބޭނެ ކަމަށެވެ.