ދިރާގު ފައިބަރ އިންޓަނެޓް ހިލޭ ގުޅައިދޭ ޕްރޮމޯޝަނެއް

ދިރާގު ފައިބަރ ބްރޯޑްބޭންޑް ހިދުމަތަށް އަލަށް އެދޭ ކަސްޓަމަރުންނަށް ހުލޭ ރައުޓަރު އަދި ހިލޭ ސެޓަޕް ލިބޭ ހާއްސަ ޕްރޮމޯޝަނެއް ފަށައިފި އެވެ.

ދިރާގުން ބުނީ މިދިޔަ ހުކުރު ދުވަހު ފެށި މި ޕްރޮމޯޝަނުގެ ދަށުން ފައިބާ ބްރޯޑްބޭންޑުގެ ކޮންމެ ޕެކޭޖަކަށް ސަބްސްކްރައިބް ކުރާ ރެސިޑެންޝަލް ކަސްޓަމަރުންނަށް މި ޕްރޮމޯޝަނުގައި ބައިވެރި ވެވޭނޭކަމަށެވެ. މި މަހުގެ 22 ވަނަ ދުވަހުގެ ނިޔަލަށް އެ ޕްރޮމޯޝަން ކުރިއަށްދާނެ އެވެ.

މި ޕްރޮމޯޝަނާ ބެހޭގޮތުން ދިރާގުގެ މެނޭޖާ އެކުއިޒިޝަންސް ޖަނާ އިބްރާހީމް ވިދާޅުވީ، މިއީ އެއްވެސް ސެޓަޕް ފީއަކާ ނުލައި ރާއްޖޭގެ އެންމެ ބޮޑު އަދި ހަލުވި ފައިބާ ނެޓްވާކް އާ ގުޅާލުމަށް ލިބިގެންދާ ފުރުސަތެއް ކަމަށެވެ.

"ދިރާގު ފައިބަރ ބްރޯޑްބޭންޑާއެކު ކަސްޓަމަރުންނަށް ތަފާތު އެކި ޕެކޭޖްތަށް ޚިޔާރުކޮށް، އެންމެ ބޮޑު ޑޭޓާ އެލަވަންސްތަކާއި ހަލުވި ސްޕީޑް ތަޖުރިބާކޮށްލެވޭނެ،" ޖަނާ ވިދާޅުވި އެވެ.

ދިރާގުން ބުނީ އެކުންފުނީގެ ފައިބަރ ބްރޯޑްބޭންޑް ހިދުމަތަކީ ރާއްޖޭގައި މިހާރު ފޯރުކޮށްދެމުންދާ އެންމެ ބޮޑު ފައިބަރ ނެޓްވޯކް ކަމަށެވެ.

ދިރާގުން ވަނީ މިހާރު ރާއްޖޭގެ ގޭބިސީގެ 87 އިންސައްތައަށް މި ޚިދުމަތް ދިރާގުން ވަނީ ފޯރުކޮށްދީފަ އެވެ.