ދިރާގުގެ ސްޕީޑްބޯޓު ޕްރޮމޯޝަންގައި ދޭ ލޯންޗު ބަންނަނީ

ދިރާގު ވިން އަ ސްޕިޑްބޯޓް ޕްރޮމޯޝަންގެ އަލް ޝާލީ މެރިން، މަޖެލަން 32 ބޯޓު ބަނުމުގެ މަސައްކަތް މިހާރު ކުރިއަށްދާ ކަމަށް ދިރާގުން ބުނެފިއެވެ.

އަލް ޝާލީ މެރިން، މަޖެލަން 32 ސްޕީޑްބޯޓަކީ ރާއްޖޭގެ އެންމެ އިސް ސަފުގައި ހަރަކާތްތެރިވާ ބޯޓު އެފުއްދުންތެރިންކަމުގައިވާ އަލް ޝާލީ މެރިން މޯލްޑިވްސްއިން ފަރުމާކުރަމުންދާ ލޯންޗެކެވެ.

ދިރާގުން ބުނީ މިހާރު ބޯޓުގެ ގިނަ މަސައްކަތްތަކެއް ވަނީ ނިމިފައެވެ. އަދި ކުރިއަށް އޮތް ދުވަސްތަކުގައި ބޯޓު ބަނުމުގެ މަސައްކަތް ނިމޭނެ ކަމަށެވެ.

އަލް ޝާލީ މެރިން މޯލްޑިވްސްގެ ޖެނެރަލް މެނޭޖަރ، އިސްމާއިލް ޝަރީފް ވިދާޅުވީ އަލް ޝާލީ މެރިން، މަޖެލަން 32 ބޯޓު ފަދަ ހިތްގައިމު ސްޕީޑްބޯޓެއް ދިރާގު ކަސްޓަމަރުންނަށް ގެނެސްދިނުމަކީ ލިބޭ ވަރަށް ބޮޑު އުފަލެއް ކަމަށެވެ.

"އެގޮތުން އަޅުގަނޑެމެންގެ ޓީމުން ފުރިހަމަކަމާ އެކު މަސައްކަތް ކުރަމުން ދަނީ، އެންމެ ފެންވަރުރަނގަޅު ބޯޓެއް ނަސީބުވެރި ފަރާތަށް ފޯރުކޮށްދިނުމަށް. މި ހައި ސްޕީޑް ލޯންޗު ވެގެންދާނީ އަލް ޝާލީ މެރިން މޯލްޑިވްސްއިން އަބަދު ވެސް ދިވެހިންނަށް ގެނެސްދެމުންއަންނަ އުފެއްދުންތެރިކަމުގެ ލާމަސީލު މިސާލަކަށް ވާނެ ކަމުގެ ޔަގީންކަން އަރުވަން،". އޭނާ ވިދާޅުވިއެވެ.

އެގޮތުން މި މަޖެލަން 32 ބޯޓުގައި އަރާމު ޑެކަކާއި، ހިތްފަސޭހަ ކެބިންއަކާއިބޭނުންކުރެވޭ ބަދިގެއެއް ވެސް އެކުލެވިގެންވާނެއެވެ. އަދި މިއީ ދުއްވާލަންށާއި ޕިކްނިކް ދަތުރު ދިޔުމަށް ނުވަތަ އާއިލާއާ އެކު މަސް ދަތުރު ދިޔުމަށް ވެސް ވަރަށް ފުރިހަމަ ވާނެބޯޓެކެވެ. އަދި މި ހައި ސްޕީޑް ލޯންޗާ އެކު، މި ޕްރޮމޯޝަންގެ ނަސީބުވެރި ފަރާތަކަށް ޔަމަހާއިން މި ލޯންޗަށް ބޭނުންވާ 175 ހޯސްޕަވަރުގެ ދެ އައުޓްބޯޑް އިންޖީނުވެސް ލިބިގެންދާނެއެވެ. ޔަމަހާއަކީ ރާއްޖޭގައި 50 އަހަރު ދުވަހުގެ ހިދުމަތުގެ ތަޖުރިބާ ލިބިފައިވާ، ދުނިޔޭގެ ނަން މަޝްހޫރު، އައުޓްބޯޑް އިންޖީނަށް ހާއްސަ ބްރޭންޑެކެވެ.

އެގޮތުން ޕްރީޕެއިޑް ޕްލޭންތަކަށް 400 ރުފިޔާ ނުވަތަ އެއަށްވުރެ މަތިން ރީޗާޖުކުރާ ކަސްޓަމަރުންނާއި ޕޯސްޓްޕެއިޑް 400 އަދި ފައިބަރ ބްރޯޑްބޭންޑް 30އެމް އަށް ވުރެ މަތީގެ ޕްލޭންތަކަށް ސަބްސްކްރައިބްކުރާ ފަރާތްތަކަށް މި ޕްރޮމޯޝަންގެ ގުރުވަތުގައި ބައިވެރިވެވޭނެއެވެ. ދިރާގުގެ ޚިދުމަތް މިހާރު ބޭނުންކުރަމުންދާ ކަސްޓަމަރުންނާއި އަލަށް ދިރާގާއި ގުޅޭ ކަސްޓަމަރުންނަށްވެސް މި ޕްރޮމޯޝަންގައި ބައިވެރިވުމުގެ ފުރުސަތު ދިރާގުން ވަނީ ހުޅުވާލާފައެވެ. އަދި ހުރިހާ ކަސްޓަމަރުންވެސް ހާއްސަ ޕޯޓަލް މެދުވެރިކޮށް ޑިސެންބަރު 15 ކުރިން މި ޕްރޮމޯޝަންގައި އެންރޯލް ކުރަން ޖެހޭނެއެެވެ.

ދިރާގަކީ ރާއްޖޭގައި މިފަދަ ފޯރިގަދަ ޕްރޮމޯޝަންތައް ކުރިއަށްގެންދާ ކުންފުނިތަކުގެ ތެރެއިންވެސް ނަމޫނާ ކުންފުންޏެކެވެ. އެގޮތުން ކޮންމެ އަހަރުކުވެސް އެ ކުނުފުނީގެ ކަސްޓަމަރުންގެ ދިރިއުޅުމަށް އިތުރު ފާގަތިކަން ގެނެސްދޭނެފަދަ ހާއްސަ ޕްރޮމޯޝަންތަކާއި އޮފަރތަށް ފަރުމާކޮށް، ޑިޖިޓަލް ރައްޖޭގައި ކުރިއެރުމަށް އެފަރާތްތަކަށް މަގުފަހިކޮށްދެއެވެ.