ޕީޕީއެމް/ފީއެންސީގެ ކެންޑިޑޭޓް މުއިއްޒު މާދަމާ ކުޅުދުއްފުއްޓަށް ވަޑައިގަންނަވަނީ

އިދިކޮޅު ޕީޕީއެމް/ޕީއެންސީ ކޯލިޝަންގެ ރިޔާސީ ކެންޑިޑޭޓު ޑރ މުހައްމަދު މުއިއްޒު ކެމްޕެއިން ދަތުރުފުޅުގައި މާދަމާ ކުޅުދުއްފުއްޓަށް ވަޑައިގަތުމަށް ހަމަޖެހިއްޖެ އެވެ.

މުއިއްޒު، ކުޅުދުއްފުއްޓަށް ވަޑައިގަތުމަށް ހަމަޖެހިފައިވަނީ މާދަމާ މެންދުރުފަހު 13:30 ގައި އެވެ. އެހެންވުމުން އެމަނިކުފާނަށް ތާއިދުކުރައްވާ ފަރާތްތަކުން އުތުރު ބަނދަރަށް ދިޔުމަށް ޕީޕިއެމް/ފީއެންސީ ކޯލިޝަނުން އެދެ އެވެ.

މީގެ އިތުރުން މާދަމާ ރޭ ކުޅުދުއްފުށީގައި ބާއްވާ ބޮޑު ޖަލްސާގައި މުއިއްޒު ބައިވެރިވެވަޑައިގަންނަވާނެ އެވެ. މި ޖަލްސާ އޮންނާނީ ޕީޕީއެމް ހޮޅުއައްޓާ ދިމާ ވެލިގަނޑު، 20:30 ގަ އެވެ.

ރިޔާސީ ކެމްޕެއިން ފެށިފަހުން މިއީ ކުޅުދުއްފުއްޓަށް ވަޑައިގަންނަވާ ތިންވަނަ ކެންޑިޑޭޓެވެ. ފުރަތަމަ ވަޑައިގެންނެވީ އެމްއެންޕީގެ ކެންޑިޑޭޓް މުހައްމަދު ނާޒިމެވެ. އެއަށްފަހު ޑިމޮކްރެޓްސް ކެންޑިޑޭޓް އިލްޔާސް ލަބީބެވެ. އިލްޔާސްގެ ރަނިންގމޭޓް ހުސެއިން އަމްރުވެސް ކުޅުދުއްފުއްޓަށް ވަޑައިގެން ދާދިފަހުން ޑޯޓްޑޯ ހިންގެވި އެވެ.