ބީއެމްއެލްގެ ކްރެޑިޓް ކާޑުން ވިޔަފާރިކޮށްގެން ބޭރު ދަތުރެއް ހޯދުމުގެ ފުރުސަތު

ބޭންކް އޮފް މޯލްޑިވްސް (ބީއެމްއެލް)ގެ ކްރެޑިޓް ކާޑުން ވިޔަފާރި ކޮށްގެން މެލޭޝިއާ އާއި ތައިލެންޑަށް ދެވޭ ހާއްސަ ޕްރޮމޯޝަނެއް ފަށައިފި އެވެ.

މިއަދު ފެށި އެ ޕްރޮމޯޝަނުގެ މުއްދަތުގައި، ކްރެޑިޓް ކާޑުން ވިޔަފާރި ކުރާ ކަސްޓަމަރުންގެ މެދުގައި ގުރުއަތެއް ނަގާނެއެވެ. އެ ގުުރުއަތުން ހޮވޭ ނަސީބުވެރިޔަކަށް، މެލޭޝިއާ އާއި، ތައިލެންޑަށް ދަތުރެއް ލިބޭނެއެވެ.

އެ ދަތުރުގެ ދެކޮޅު ޓިކެޓާއި، ހުރުމުގެ ހަރަދު، އަދި ޕޮކެޓު މަނީގެ ގޮތުގައި 1000 ޑޮލަރު ބީއެމްއެލުން ދޭނެއެވެ.

މީގެ އިތުރުން އަލަށް ކްރެޑިޓް ކާޑެއް ނަގާ ކަސްޓަމަރުންގެ ތެރެއިން އަންނަ އޮކްޓޫބަރު މަހުގެ ނިޔަލަށް ލިމިޓުގެ 80 ޕަސެންޓު ހަރަދުކުރާ ކަސްޓަމަރުންނަށް 1500 ރުފިޔާ އަނބުރާ ލިބޭނެއެވެ.

އަދި އެ މުއްދަތުގެ ކުރިން ބީއެމްއެލްގެ ރިވޯޑްސް ޕްރޮގްރާމަށް ރަޖިސްޓްރީ ކުރާ ކަސްޓަމަރުންނަށް އިތުރު 1000 ޕޮއިންޓު ދިނުމަށް ވަނީ ހަމަޖެހިފައެވެ.