ކައްކާ ލޮނު ރާއްޖޭގައި އުފެއްދުމާއި ގުޅޭގޮތުން ހުރި ފުރުސަތުތައް ބެލުމުގެ މަސައްކަތް ފަށާފައިވާކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
އިކޮނޮމިކް މިނިސްޓަރު މިހެން ވިދާޅުވީ އެ މިނިސްޓްރީގެ މަސައްކަތްތަކާއި ގުޅޭގޮތުން ނޫސްވެރިންނަށް މައުލޫމާތުދެއްވުމަށް އިއްޔެ ބޭއްވެވި ނޫސްވެރިންގެ ބައްދަލުވުމުގައެވެ.
މިނިސްޓަރު ސަޢީދު ވިދާޅުވީ ރާއްޖޭގައި ހުރި ވަސީލަތްތަކުގެ ފުރިހަމަ މަންފާ ހޯދުމަށް ސަރުކާރުން ހާއްސަ އިސްކަމެއް ދެއްވާކަމަށެވެ. އެގޮތުން ކައްކާ ލޮނު ރާއްޖޭގައި އުފެއްދުމާއި ގުޅޭގޮތުން ހުރި ފުރުސަތުތައް ބެލުމުގެ މަސައްކަތް ސަރުކާރުގެ ކުންފުންޏެއްކަމަށްވާ ބިޒްނަސް ސެންޓަރ ކޯޕަރޭޝަން، ބީސީސީއާއި ހަވާލުކޮށްފައިވާކަމަށް ވަޒީރު ވިދާޅުވިއެވެ.
ކުރީގެ ރައީސް ޔާމީންގެ ސަރުކާރުގައި ވެސް ރާއްޖޭގައި ލޮނު އުފެއްދުމުގެ ވާހަކަތަކެއް ދެކެވުނެވެ. އެހެން ނަމަވެސް އެކަމާ ބެހޭ އެއްވެސް މަސައްކަތެއް އަދި އެއްވެސް ދިރާސާއެއް ނުހަދަ އެވެ.
މިނިސްޓަރު ވިދާޅުވީ މިކަމާއި ގުޅޭ ދިރާސާތަކަށް ބޭނުންވާ މާލީ އެހީތެރިކަން ހޯދުމަށް ޔޫއެންޑީޕީއާއެކު މަޝްވަރާކުރަމުންދާކަމަށެވެ.
ރާއްޖެއަށް އެކި ފެންވަރުގެ ލޮނު އެތެރެކުރާކަމަށާއި ސަރުކާރުގެ އަމާޒަކީ ރާއްޖެއަށް ބޭނުންވާ މިންވަރަށް ރާއްޖޭގައި ލޮނު އުފެއްދުންކަމަށްވެސް މިނިސްޓަރު ވިދާޅުވި އެވެ.
"ރާއްޖޭގައި އޮތް ޓޫރިޒަމް އިންޑަސްޓްރީ އަށް އިމްޕޯޓް ކުރޭ ވަރަށް ކޮލިޓީ ލޮނު. ރާއްޖޭގައި ދިވެހިން ބޭނުން ކުރުމަށްޓަކައި ވެސް މި ގެންނަ ލޮނުގެ ބާވަތްތައް، މި ހުރިހާ އެއްޗެއްގެ ޕްރޮޑަކްޝަން ރާއްޖޭގައި ކުރަން ބޭނުން،" އޭނާ ވިދާޅުވި އެވެ.
މިނިސްޓަރު ސައީދު ވިދާޅުވީ ސަރުކާރުގެ އަމާޒަކީ މި 5 އަހަރުގެތެރޭގައި ރާއްޖޭގައި ކައްކާ ލޮނު އުފެއްދުމުގެ މަސައްކަތް ފެށިގެންދިއުންކަމަށެވެ.
އުރީދޫ ސުޕަނެޓުން އަންލިމިޓަޑްކޮށް އިންޓަނެޓުގެ ހިދުމަތް ދެނީ
ރީހެބިލިޓޭޝަން ފުރިހަމަކުރާ ގައިދީންގެ ހުކުމަށް ލުއި ދޭން ނިންމައިފި
ވިލާ ކޮލެޖުގެ 2025 ވަނަ އަހަރުގެ ޖެނުއަރީ އިންޓޭކްގެ ކޯސްތަކުގައި ބައިވެރިވުމަށް ހުޅުވާލައިފި
އޭޖީ، ސިވިލް ސާވިސް އިން ވަކިކޮށް، ވަކި ހިދުމަތެއްގެ ގޮތުގައި ހަދަނީ
