ބޭރުގައި ކިޔަވާ ދަރިވަރުންނަށް ޑޮލަރު ލިމިޓް 1،200 އަށް ބޮޑުކުރަން ނިންމައިފި

ރާއްޖެއިން ބޭރުގައި ކިޔަވާ ދަރިވަރުންނަށް ބީއެމްއެލްއިން ދޭ ޑޮލަރުގެ ލިމިޓް 1،200 ޑޮލަރަށް ބޮޑުކުރަން އެ ބޭންކުގެ ބޯޑުން ނިންމައިފި އެވެ.

ބީއެމްއެލް އިން ކުރި އިއުލާނުގައި ބުނެފައި ވަނީ ކިޔަވާ ކުދިންނަށް މަހަކު 1،200 އާ ހަމައަށް ޑޮލަރުގެ މުއާމަލާތްތައް ހިންގޭނެ ގޮތަށް އަމަލުކުރަން ފަށާނީ އަންނަ މަހުގެ ފުރަތަމަ ދުވަހުން ފެށިގެންކަމަށެވެ.

Today we are pleased to announce an increase in the monthly foreign transaction limit for debit cards for students abroad to USD 1,200 in the country that they are residing, effective 1st November 2024.

More details: https://t.co/Zxa9nSX5WG

— Bank of Maldives (@bankofmaldives) October 23, 2024

މި ބަދަލާއެކު ބީއެމްއެލްގެ އޮންލައިން ޕޯޓަލް މެދުވެރިކޮށް ދަރިވަރުން ބޭންކުގައި ރަޖިސްޓަރުކުރަން ޖެހޭނެއެވެ. އަދި ބޭރުގައި ކިޔަވާ ދަރިވަރެއްކަން އަންގައިދޭ ލިޔެކިޔުން ވެސް ހުށަހަޅަން ޖެހޭނެއެވެ. އަދި ކުރިއަށް ހުރި ދުވަސްތަކުގައި އިތުރު ތަފްސީލް ހާމަކުރާނެ ކަމަށް ބޭންކުން މައުލޫމާތު ދިނެވެ.

މި ކަމާ ގުޅިގެން ބޭންކުގެ ސީއީއޯ މުޙައްމަދު ޝަރީފް ވިދާޅުވީ، ބޭންކަށް ޑޮލަރު ލިބުމުގައި ދަތިތައް އަދިވެސް ހުރި ނަމަވެސް، ޑޮލަރު ލިމިޓް ކުޑަވުމުން ދަރިވަރުންނަށް ވެސް ދަތިތަކާ ދިމާވާކަން ބޭންކުން ދަންނަ ކަމަށެވެ.

ނަމަވެސް މި ނިންމުމާއެކު މިއީ ބޭންކުން، ރާއްޖޭން ބޭރުގައި ދިރިއުޅޭ ފަރާތްތަކުގެ މާލީ ބޭނުންތަކުގައި އެހީތެރިކަން ދިނުމަށް ބޭންކުން ދޭ އަހައްމިއްޔަތުކަން ހާމަވާ ކަމެއް ކަމަށް ވިދާޅުވެފައިވެއެވެ.

އެއާއެކު ބޭންކުން ވަނީ، ކުރިއަށްހުރި ދުވަސްތަކުގައި ޑޮލަރުގެ ހާލަތަށް އަންނަ ބަދަލުތަކަށް ރިއާޔަތްކޮށް އިތުރު ބަދަލުތައް ގެންނަ ނަމަ އެ ކަންކަން ހާމަކުރާނެކަމަށް ވެސް ބުނެފައެވެ.

ބޭރުގައި ކިޔަވާ ދަރިވަރުންގެ ޑޮލަރު ލިމިޓް ކުރިން އޮތީ 750 ޑޮލަރާ ހަމައިގައެވެ. މި ބަދަލަކީ ފެބްރުއަރީ އެކަކުން ފެށިގެން ގެންނާނެ ކަމަށް ސަރުކާރުންމިދިޔަ ޑިސެމްބަރު މަހުގެ 25ގައި ހާމަކުރި ބަދަލެކެވެ. ނަަމަވެސް ފަހުން އެކަން ތަންފީޒު ކުރެވޭ ގޮތެއް ނުވިއެވެ.