މާލޭގެ އަމިއްލަ އޮފީހަކުން ދެ ލައްކަ ރުފިޔާގެ އަގުހުރި މުދާ ވަގަށް ނެގި މައްސަލައެއްގައި ލ. މާވަަަށަށް ނިސްބަތްވާ ފިރިހެނަކު ހައްޔަރުކޮށްފިއެވެ.
އެ މީހާއާ ކްރިމިނަލް ކޯޓުގެ ގުޅޭ ބަންދު އަމުރުގައި ބުނެފައި ވަނީ މި މައްސަލައާ ގުޅިގެން ހައްޔަރު ކުރި 43 އަހަރުގެ މީ މީހާގެ މައްޗަށް ވައްކަން ކުރުމާއި، ހުއްދަ ނޫން ތަނަކަށް ވަނުމުގެ ތުހުމަތު ކުރެވޭއިރު، އޭނާ އަމިއްލަ އޮފީހަކުން ވައްކަން ކުރި ކަމުގެ ތުހުމަތު ކުރެވޭ ކަމަށެވެ.
އޭނާ ވަގަށް ނަާގާފައިވާ ބެލެވޭ މުދަލުގެ އަގު ދެލައްކަ ރުފިޔާ އަށް ވުރެ މަތިވާނެ ކަމަށްވެސް އެ އަމުރުގައި ވެއެވެ. އަދި ވައްކަން ކުރަން ވަން ފާހަަނައިގެ ޓައިލްސް އިން އޭނާގެ ފިންގަޕްރިންޓް ލިފްޓް ކުރެވިފައިވާ ކަމަށްވެސް އެ އަމުރުގައި ވެއެވެ. އޭގެ އިތުރުން އޭނާ އޮފީހަށް ވަނުމަށް ކަޅުހުރާ މިސްކިތް ކައިރިން ދާތަން ސީސީޓީވީ ފޫޓޭޖްއިން ފެނިފައިވާ ކަަމަށްވެސް ބުނެފައި ވެއެވެ.
އޭނާގެ ބަންދަށް ކްރިމިނަލް ކޯޓުން މިއަދު ވަނީ 15 ދުވަސް ޖަހައިފައެވެ.
