ވަޒީފާއާބެހޭ ޓްރައިބިއުނަލްގެ މެންބަރު ފާތިމަތު ސައުސަން ނިޔާވެއްޖެ

ވަޒީފާއާ ބެހޭ ޓްރިބިއުނަލްގެ މެންބަރެއްގެ ގޮތުގައި ހުންނެވި ފާތުމަތު ސައުސަން ނިޔާވެއްޖެ އެވެ.

ގާނޫނީ ވަކީލެއްގެ ގޮތުގައި ވެސް މަސައްކަތް ކުރައްވަމުން ގެންދެވި ސައުސަން ނިޔާވީ އިންޑިއާގައި މިއަދު ހެނދުނެވެ. އެނގިފައިވާ ގޮތުގައި އޭނަ ނިޔާވީ ބައްޔަކަށް ފަރުވާ ހޯއްދަވަމުން ގެންދަވަނިކޮށެވެ.

ސައުސަން އަކީ ވަޒީފާއާ ބެހޭ ޓްރިބިއުނަލްގެ 10 މެންބަރުންގެ ތެރެއިން އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަންގައި އިސްކޮށް މަސައްކަތް ކުރެއްވި މެންބަރެކެވެ.

ޓްރައިބިއުނަލްގެ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޒަނަށް ހާއްސަކޮށް ވަޒީފާއާބެހޭ ޓްރައިބިއުނަލުގެ މެންބަރުކަމުގެ މަގާމަށް ސައުސަން އައްޔަންކުރީ އޮކްޓޯބަރު 2، 2024 ގަ އެވެ.