ރާއްޖޭގެ އާބާދީގެ ސިއްހީ ހާލަތާ ގުޅޭ ސާވޭއެއް ހަދަނީ

ރާއްޖޭގެ އާބާދީގެ ސިއްޙީ ހާލަތާ ގުޅުންހުރި ސާވޭއެެއް އަންނަ އަހަރު ކުރިއަށް ގެންދަން ނިންމައިފި އެވެ.

މިއި އެކަމާ ގުޅޭ އެންމެ ފަހުގެ މައުލޫމާތާއި ތަފާސްހިސާބުތައް ދެނެގަތުމަށް މަލްޓިޕްލް އިންޑިކޭޓަ ކްލަސްޓާ ސާވޭ (މިކްސް) ގެ ނަމުގައި ކުރިއަށް ގެންދަން ހަމަޖެހިފައިވާ ސާވޭއެކެވެ.

ހެލްތު މިނިސްޓަރު ގީލާ އަލީ ވިދާޅުވީ އަންނަ އަހަރުގެ ކުރީކޮޅު ސާވޭ ފެށުމަށް ތައްޔާރުވަމުން އަންނަ ކަމަށާއި ސާވޭ ކުރިއަށް ގެންދިޔުމަށް ބޭނުން ކުރާނެ ސުވާލުތަކާއި ރަށްތަކާއި މީހުން ކަނޑައެޅުން ފަދަ މުހިއްމު މަސައްކަތްތައް މިހާރު ކުރަމުން އަންނަ ކަމަށެވެ.

މިކްސް އަކީ ބައިނަލްއަޤްވާމީ ފެންވަރެއްގައި، އަބާދީގެ ސިއްހީ ހާލަތާއި ކުޑަކުދިންގެ ރައްކާތެރިކަމާއި ތައުލީމު ހިމެނޭހެން 100 އަށްވުރެ ގިނަ މިންގަނޑުތަކަށް މައުލޫމާތު އެއްކުރެވޭނެ ދިރާސާއެކެވެ.

ގީލާ ވިދާޅުވީ ސާވޭ ކުރިއަށް ގެންދިޔުމަށް ބޮޑު ހޭދައެއް ކުރަން ޖެހޭ ކަމަށާއި މަސައްކަތަށް ދަޢުލަތުގެ ބަޖެޓުންނާއި ޔުނެސްފާއި ޑަބްލިއުއެޗްއޯގެ އެހީ ލިބޭނެ ކަމަށެވެ. މި ސާވޭ އަށް ދަޢުލަތުގެ ބަޖެޓުން 150 މިލިޔަން ރުފިޔާ ހަރަދު ކުރާނެ ކަމަށެވެ.