މަސްތުވާތަކެތީގެ މައްސަލައެއްގައި އުމުރުން 27 އަހަރުގެ ޒުވާނަކު ކުޅުދުއްފުށިން ހައްޔަރުކޮށްފި

އިބްރާހިމް ހަމީދު

މަސްތުވާތަކެތީގެ މައްސަލައެއްގައި އުމުރުން 27 އަހަރުގެ ޒުވާނަކު ކުޅުދުއްފުށިން ހައްޔަރުކޮށްފިއެވެ.

މިމައްސަލައާއި ގުޅިގެން ފުލުހުންގެ މީޑިޔާ އޮފިޝަލް ސަބްއިންސްޕެކްޓަރ އޮފް ޕޮލިސް އަހްމަދު ޝިޔާމް ވިދާޅުވީ، ކުޅުދުއްފުށިން މަސްތުވާތަކެތީގެ މައްސަލައެއްގައި ހައްޔަރުކޮށްފައިވަނީ ކުޅުދުއްފުށީ ހޯރަ އުމުރުން 27 އަހަރުގެ މުހައްމަދު ހަސަން އެވެ. މުހައްމަދު ހަސަން ހައްޔަރުކޮށްފައި ވަނީ އާންމު ފަރާތަކުން ފުލުހުންނަށް ކުރި ރިޕޯޓަކާއި ގުޅިގެން ކުޅުދުއްފުށީ ޕޮލިސް ސްޓޭޝަނުން ހިންގި ހާއްސަ އޮޕަރޭޝަނެއްގައި މިމަހު 11 ވަނަ ދުވަހު ކަމަށްވެސް މީޑިއަރ އޮފިޝަލް މައުލޫމާތު ދެއްވިއެވެ .

އިތުރަށް މައުލޫމާތު ދެއްވަމުން މީޑިއަރ އޮފިޝަލް ވިދާޅުވީ، އޭނާ ފުލުހުންގެ ބެލުމުގެ ދަށަށް ގެނެސްފައި ވަނީ ކޯޓް އަމުރަކާ އެކު އެދުވަހުގެ 10:15 ގައި އޭނާ ދިރިއުޅޭ ގެ ކަމަށްވާ ކުޅުދުއްފުށީ ހޯރަ، އޭނާގެ ހާޒިރުގައި ޗެކު ކުރިކުރުމުން މަސްތުވާތަކެތި ކަމަށް ތުހުމަތު ކުރެވޭ އެއްޗެއް އަޅާފައި ހުރި  47 ރަބަރުޕެކެޓް ފެނުމުންނެވެ.

މިމައްސަލަ ކުޅުދުއްފުށީ ޕޮލިސް ސްޓޭޝަނުން މިހާރުދަނީ އިތުރަށް ތަހުގީގު ކުރަމުންނެވެ.