ކުޅުދުއްފުށީ އޮންލައިނަށް މަޢުލޫމާތު ދެމުން ޖަލާލުއްދީން ސްކޫލުގެ ޕްރިންސިޕަލް ސައީދު އަހްމަދު ވިދާޅުވީ އެޑިޔުކެޝަނަލް ފެއަރ ބޭއްވުމުގެ މައިގަނޑު މަގްޞަދަކީ އެސްކޫލުގައި ކިޔަވައިދޭ ހުރިހާ މާއްދާތަކެއްގައި އަމަލީ ގޮތުން ކުރަންޖެހޭ މަސައްކަތްތަކެއް ހުންނައިރު އެފަދަ ފެއަރއެއް ބޭއްވުމުން އެކުދިންނަށް އަމަލީގޮތުން އެކަންތައްތައް ރަގަޅަށް އެގިގެންދާން ފަސޭހަވާނެ ކަމަށެވެ.

މިފެއަރގެ ސަބަބުން ދަރިވަރުންގެ އިޖްތިމާއީ ރޫހު އާލާވެ ދަރިވަރުންގެ ގުޅުން އިތުރަށް ބަދަހިވާނެކަމަށް ސައީދު އަހްމަދު ވިދާޅުވި އެވެ. އަދި ޓީމެއްގެ ގޮތުގައި މަސައްކަތްކުރަން އެގިގެންދާނެ ކަމަށެވެ.

“އުއްމީދު ކުރަނީ މިފެއަރ އަށް ޒިޔާރަތްކުރާ ފަރާތްތަކަށްވެސް ރަގަޅު ކަންތައްތަކެއް އެގިގެންދާނެކަމަށް” ސައީދު ވިދާޅުވިއެވެ.

މިފެއަރ ކުރިއަށްދާނީ މިއަދުން ފެށިގެން ހޮނިހިރު ދުވަހުގެ ނިޔަލަށެވެ. މިއީ ހުރިހާ އުމުރު ފުރާއެއްގެ ބޭފުޅުންނަށް މިސްޓޯލްތައް ބަލާލުމުގެ ފުރުޞަތު ހުޅުވާލާފައިވާ ކަމަށް އެސްކޫލުން މައުލޫމާތު ދެއެވެ.

މިލިޔުމާއި ގުޅޭ