ކުޅުދުއްފުށީ ޑިވެލޮޕްމަންޓް ކޯޕަރޭޝަން ލިމިޓެޑް ރައީސުލް ޖުމްހޫރިއްޔާ އުފައްދަވައިފި

ކުޅުދުއްފުށީ ޑިވެލޮޕްމަންޓް ކޯޕަރޭޝަން ލިމިޓެޑް ގެ ނަމުގައި، ދިވެހި ސަރުކާރާއި ކުޅުދުއްފުށީ ކައުންސިލް ހިއްސާދާރުންގެ ގޮތުގައި ހިމެނޭގޮތަށް، ދަރަންޏަށް ޒިންމާވާންޖެހޭ މިންވަރު ކަނޑައެޅިފައިވާ،  ސަރުކާރުގެ ކުންފުންޏެއް، ރައީސުލްޖުމްހޫރިއްޔާ މުޙަންމަދު ނަޝީދު މިއަދު އުފައްދަވައިފިއެވެ.

ރައީސުލްޖުމްހޫރިއްޔާ ޤަރާރަކުން އުފެއްދެވި މިކުންފުންޏަކީ، ދިވެހިރާއްޖޭގެ އިޤްތިޞާދީ ތަރައްޤީއާއި، އިޖްތިމާޢީ ދުޅަހެޔޮކަމަށް މަގުފަހިކޮށްދޭނެ ފަދަޔަކުން، ކުޅުދުއްފުށީ ލޭންޑްޔޫޒް ޕްލޭންގައި “ކުޅުދުއްފުށީ ޑިވެލޮޕްމަންޓް ޒޯން” ގެ ގޮތުގައި ކަނޑައަޅާފައިވާ ސަރަޙައްދު، ދިވެހި ސަރުކާރުގެ އިޤްތިޞާދީ އަދި އިޖްތިމާޢީ ތަރައްޤީގެ ސިޔާސަތުތަކާ އެއްގޮތްވާ ގޮތުގެމަތިން ތަރައްޤީކޮށް، ރައްޔިތުންނަށް އާމްދަނީ ހޯދޭނެ އެކިއެކި ވަސީލަތްތައް ޤާއިމުކޮށް، ވިޔަފާރީގެ ތަފާތު އިންވެސްޓްމަންޓުތަކަށް މަގުފަހިކޮށްދެއްވުމަށްޓަކައި އުފެއްދެވި ކުންފުންޏެއްްކަމަށް ރައީސް އޮފީހުން މައުލޫމާތު ދިނެވެ.