ކުޅުދުއްފުށީގައި ކާރަކާއި ސައިކަލެއް ޖެހި ހިނގި އެކްސިޑެންޓުގައި ސައިކަލް ދުއްވަންއިން މީހާ ޒަހަމްވެއްޖެ

Jul 30, 2011

ކުޅުދުއްފުށީގައި ކާރަކާއި ސައިކަލެއް ޖެހި ހިނގި އެކްސިޑެންޓުގައި ސައިކަލް ދުއްވަންއިން މީހާ ޒަހަމްވެއްޖެ އެވެ.

މިއަދު 2:35 އެހާކަންހާއިރު ހިނގި އެ އެކްސިޑެންޓުގައި ޒަހަމްވީ ކުޅުދުއްފުށީ މަލުތެރޭގެ އަލީ މުހަންމަދު ނައީމެވެ. ކުޅުދުއްފުށީ އަމީނީ މަގުގައި ހިނގި މި އެކްސިޑެންޓުގައި އޭނާ އަށް ސީރިއަސް އަނިޔާއެއް ނުލިބެ އެވެ. އަދި އެކްސިޑެންޓްވި ކާރުގެ ކުރީކޮޅުގެ އެއްފަރާތު ފުރޮޅު ކައިރިން ހަލާކުވުމުގެ އިތުރުން އެކާރަކަށްވެސް މާބޮޑު ގެއްލުމެއް ލިބިފައެއް ނުވެއެވެ.

ފުލުހުން މައުލޫމާތު ދޭ ގޮތުގައި މިއެކްސިޑެންޓް ހިނގާފައިވަނީ، އަމީނީމަގުން އުތުރަށް ދުއްވާފައި ދިޔަ ޓެކްސީއަކާއި ހަމަ އެމަގުން ދެކުނަށް ދުއްވާފައިދިޔަ ސައިކަލެއް ޖެހިގެންނެވެ. މައުލޫމާތު ލިބޭގޮތުގައި މިއެކްސިޑެންޓު ހިނގި ދެވެހިކަލްގެ ޑްރައިވަރުންގެ އަތުގައިވެސް ލައިސަންސް އޮވެއެވެ.

ފުލުހުން ވިދާޅުވީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.

މިލިޔުމާއި ގުޅޭ