މި ރަމަޟާން މަހުގެ 8 ވަނަ ދުވަހުގެ ނިޔަލަށް 40 ހާހަށްވުރެ ގިނަ ރުފިޔާ ފިތުރު ޒަކާތުގެ ގޮތުގައި ދައްކާފައިވޭ: ކުޅުދުއްފުށި ކައުންސިލް

އިބްރާހިމް ހަމީދު

މި ރަމަޟާން މަހުގެ 8 ވަނަ ދުވަހުގެ ނިޔަލަށް 40 ހާހަށްވުރެ ގިނަ ރުފިޔާ ފިތުރު ޒަކާތުގެ ގޮތުގައި ކުޅުދުއްފުށީ ކައުންސިލުގެ އިދާރާއަށް ދައްކާފައިވާ ކަމަށް އެ އިދާރާއިން ބުނެފި އެވެ.

ކުޅުދުއްފުށީ އޮންލައިން އަށް މައުލޫމާތު ދެއްވަމުން ކައުންސިލުގެ ނައިބު ރައީސް ފާރޫގު މުހައްމަދު ވިދާޅުވީ، އެއް ދުވަހުން އަނެއް ދުވަހަށް ކުޅުދުއްފުށީގައި ފިތުރު ޒަކާތް ދައްކަމުންދާ މީހުންގެ އަދަދު އިތުރުވަމުން އަންނަކަމަށެވެ.

އެގޮތުން މިއަދުގެ ނިޔަލަށް 2988 މީހުން ފިތުރު ޒަކާތް ދައްކާފައިވާއިރު ޖުމްލަ 40812 ރުފިޔާ ފިތުރު ޒަކާތުގެ ގޮތުގައި ލިބިފައިވާ ކަމަށް ފާރޫގު މުހައްމަދު މައުލޫމާތު ދެއްވައެވެ.

ކުޅުދުއްފުށީ ކައުންސިލުން މައުލޫމާތު ދޭ ގޮތުގައި މިމަހުގެ 25 ގެ ނިޔަލަށް ރަށު ކައުންސިލުގެ އިދާރާއިން ފިތުރު ޒަކާތް ބަލައިގަތުމުގެ އިންތިޒާމު ވަނީ ހަމަޖެހިފައެވެ.