ތަރައްގީގެ ތިން މަޝްރޫއެއް އިފްތިތާހު ކުރުމަށް މިއަދު ބޭއްވި ޖަލްސާ ހދ އަތޮޅު ކައުންސިލުން ބޮއިކޮޓް ކޮށްފި

ސަރުކާރުން ހިންގާ ތަރައްޤީގެ ތިން މަޝްރޫއެއް އިފްތިތާހު ކުރުމަށް މިއަދު ހެނދުނު ކުޅުދުއްފުށީގައި ބޭއްވި ޖަލްސާ، ހދ އަތޮޅު ކައުންސިލުން ބޮއިކޮޓް ކޮށްފައިވާކަމަށް އިތުބާރުހުރި ގޮތެއްގައި މައުލޫމާތު ލިބިއްޖެ އެވެ.

މިއަދު ހެނދުނު ބޭއްވި މިޖަލްސާގައި ހދ އަތޮޅު ކައުންސިލުގެ އެއްވެސް މެމްބަރަކު ބައިވެރިވެ ވަޑައިނުގަންވާކަމަށް މައުލޫމާތު ލިބެއެވެ.

ކުޅުދުއްފުށި އޮންލައިން އަށް އެނގިފައިވާ ގޮތުގައި މިއަދުގެ ޖަލްސާ ބޮއިކޮޓް ކޮށްފައިވަނީ، ހދ އަތޮޅު ފެންވަރުގައި ކުރިއަށްދާ މުހިއްމު ތިން މަޝްރޫއެއް އިފްތިތާހުކުރިއިރު އެކަމާބެހޭގޮތުން އެއްވެސް ފަރާތަކުން ހދ އަތޮޅު ކައުންސިލާ މަޝްވަރާކޮށްފައި ނުވާތީ ކަމަށެވެ.

މިކަމާބެހޭ ގޮތުން ހދ އަތޮޅު ކައުންސިލުގެ މީޑިޔާ ކޯޑިނޭޓަރަށް ފޯނުން ގުޅާލުމުން ވިދާޅުވީ، މާދަމާ އިންޓަވިއު އެއް ދެއްވާނެކަމަށެވެ. ކައުންސިލުގައި މަޝްވަރާކޮށްގެން ބޮއިކޮޓް ކުރަން ނިންމީ ކަމެއް ނުވަތަ ކައުންސިލުގެ މެމްބަރުންގެ އަމިއްލަ އިހުތިޔާރުގައި ވަޑައިނުގެންނެވީ ކަމެއް ރަސްމީ ގޮތެއްގައި އަދި ވަނީ އެނގޭ ގޮތް ނުވެފައެވެ.

(އިތުރު ތަފްޞީލް)