ރައީސުލްޖުމުހޫރިއްޔާ މިއަދު ކުޅުދުށްފުށްޓައް ވަޑައިގަންނަވާނެ

ރައީސުލްޖުމުހޫރިއްޔާ މުހައްމަދު ނަޝީދު ތިލަދުންމަތީގެ ބައެއް ރަށްރަށް މިހާރު ކުރައްވަމުންގެންދަވާ ދަތުރުފުޅުގައި މިއަދު ހަވީރު ކުޅުދުށްފުށްޓައް ވަޑައިގަންނަވާނެ އެވެ.

ރައީސްގެ މިދަތުރުފުޅުގައި އަޕަރ ނޯތް ހެލްތް ސާރވިސަސް ކޯޕަރޭޝަނުން ހިންގާ ކުޅުދުއްފުށީ ރީޖަނަލް ހޮސްޕިޓަލް އާއި ޖަރުމަނުގެ ޕްރޯމެޑް ކްލިނިކް އާއި ދެމެދު މިއަދު ސޮއިކުރަން ހަމަޖެހިފައިވާ މެނޭޖްމަންޓް ކޮންޓްރެކްޓް ގައި ސޮއިކުރުމުގެ ރަސްމިއްޔާތުގއި ބައިވެރިވެ ވަޑައިގަންނަވާނެއެވެ.

ރައީސްގެ މިދަތުރުފުޅުގައި ތިލަދުންމަތީގެ ރަށްރަށަށް ވަޑައިގެން އެރަށްރަށުގައި ކުރިއަށްދާ ތަރައްޤީގެ މަޝްރޫއުތައް ބައްލަވާލައްވާ ރަށްރަށުގެ ރަށު ކައުންސިލްތަކާ ބައްދަލުކުރުމަށް ހަމަޖެހިފައި ވެއެވެ.