ހީކުރިގޮތާއި ހިލާފަށް އެޕަލް އިން އައިފޯން 4 އެސް ބާޒާރަށް ނެރެފި

އެޕަލްގެ އުފެއްދުން ތަކަށް ލޯބިކުރާ އެތައްބަޔަކު އެޕަލް އައިފޯން 5 ކަށް އިންތިޒާރު ކުރަމުން ދަނިކޮށް، އައިފޯން 4 އެސް ތައާރަފް ކޮށްފިއެވެ.

އެޕަލްގެ މާލިމީކަމުން ސްޓީވް ޖޮބްސް އިސްތިއުފާ ދިންފަހުން އެޕަލް އިން ބާޒާރަށް ނެރުނު ފުރަތަމަ އުފެއްދުން ތައާރަފް ކޮށްދެއްވީ ވައިސް ޕްރެޒިޑެންޓް ފިލް ޝިލާއެވެ.

އެޕަލްގެ ކުރީގެ އައިފޯން ތަކަށް ވުރެ ސްފީޑް ހަލުވި މިފޯނުގައި ޑުއަލްކޯ އޭ ފައިވް ޕްރޮސެސަރއެއް ހިމެނޭއިރު ކެމެރާގައި 8 މެގަ ޕިކްސެލް ހުރެއެވެ. އެޕަލް އިން ހާމަކުރާ ގޮތުގައި މިފޯނުގައި އެހެން ފޯނުތަކަށް ވުރެ ވަރުގަދަ ސްޕީޗް ރެކޮގްނިޝަން ފީޗަރ އެއް އެކުލެވޭނެއެވެ. “ސިރީ” ނަން ދެވިފައި ޕާސަނަލް އެސިސްޓެންޓް އެޕްލިކޭޝަންގެ އެހީގައި އަނގަބަހުން ކުރެވޭ ސުވާލުތަކަށް ފޯނުން ޖަވާބު ދޭނެއެވެ.

ފޯނު މާކެޓްގެ 5 އިންސައްތަ ހިއްސާކުރާ އެޕަލްގެ އައިފޯން 4 މިދިޔަ އަހަރު ނެރުމުން، އެފޯނު ވަނީ ރިކޯޑް އަދަދެއްގައި ވިކިފައެވެ. ބެލެވޭގޮތުން އައިފޯން 4 އެސް އަށްވެސް އެވަރުގެ ތަރުހީބެއް ލިބޭނެއެވެ. އައިފޯން 5 ގެ ނަމުގައި މިފޯނު ނުނެރުން ކަމުގައި ވިޔަސް، މިމަހުގެ 12 އިން ފެށިގެން އައިއޯއެސް 5 ފޯނުތަކަށް ޑައުންލޯޑް ކުރެވެން ހުންނާނެކަމަށް އެޕަލްއިން ބުނެއެވެ.