މަސްތުވާތަކެތި ކަމަށް ތުޙުމަތު ކުރެވޭ 10 ޕެކެޓާއެކު ކުޅުދުއްފުށީ ބަނދަރު ސަރަހައްދުން މީހަކު ހައްޔަރު ކޮށްފި އެވެ.
އުމުރުން 23 އަހަރުގެ އެޒުވާނާ ހައްޔަރުކޮށްފައިވަނީ އިއްޔެގެ ހަވީރުގެ ވަގުތެއްގައި ކަމަށް ފުލުހުން މައުލޫމާތު ދެއެވެ.
ފުލުހުން މައުލޫމާތު ދޭގޮތުގައި އިއްޔެ ހަވީރުގެ ވަގުތެއްގައި ކުޅުދުއްފުށީ ބަނދަރު ސަރަޙައްދުގައި ހުރި މީހަކު މަސްތުވާތަކެތި ގެންގުޅޭ ކަމުގެ މަޢުލޫމާތު އެފަރާތަށް ލިބުމުން އެސަރަޙައްދަށް ގޮސް އެމީހާ ހޯދާ ޗެކްކޮށް އޭނާ ގެންގުޅުނު ތަކެތި ބަލާފާސް ކުރުމުގެ ތެރޭގައި އޭނާ ގެންގުޅުނު ފޮއްޓެއްގެ ތެރޭގައި އޮތް ޗިޕްސް ދަޅެއްގެ ތެރެއިން މަސްތުވާތަކެތި ކަމަށް ތުޙުމަތު ކުރެވޭ 10 ޕެކެޓް ފެނިފައިވެއެވެ.
މަސްތުވާތަކެތީގެ މައްސަލައެއްގައި ހައްޔަރުކޮށްފައިވާ މީހާ ގެ ނަމެއް އަދި އެމީހާއަކީ ކޮންރަށެއްގެ މީހެއްކަމެއް ފުލުހުން ބުނެފައެއް ނުވެއެވެ.
މިމައްސަލަ މިހާރު ދަނީ ކުޅުދުއްފުށީ ޕޮލިސް ސްޓޭޝަނުން ތަޙްޤީޤު ކުރަމުންނެވެ.
އަތޮޅުތެރޭގައި އުފެއްދި ފުރަތަމަ ޑިޒާސްޓާ ކޮމެޓީ ކުޅުދުއްފުށީގައި އެކުލަވާލައިފި
ނޭކުރެންދޫގައި އަތޮޅު ފެންވަރުގައި ކުޑަކުދިންގެ ދުވަސް ފާހަގަކުރަނީ
މޭޔަރު އާތިފް، މިނިސްޓަރު އާދަމް ޝަރީފް އުމަރުއާ ބައްދަލުކުރައްވައިފި
ރައުޙާ: ނޮޅިވަރަމް ސްކޫލުގެ އެންމެ މޮޅު ދަރިވަރު
