ކުޅުދުއްފުށީ ކައުންސިލްގެ އާ ރައީސަކަށް ރަމީޒު ހޮވައިފި

ކުޅުދުއްފުށީ ކައުންސިލްގެ އާ ރައީސަކަށް އިބްރާހިމް ރަމީޒު ހޮވައިފި ހޮވައިފިއެވެ.

ކުޅުދުއްފުށީ ކައުންސިލްގެ ރައީސްގެ ގޮތުގައި ހުންނެވި ޖަމްޝީދު މުޙައްމަދު އިއްޔެ އެމަގާމުން އިސްތިއުފާ ދެއްވުމާއި ގުޅިގެން، ރައީސަކު އިންތިހާބު ކުރުމަށް މިއަދު ބޭއްވުނު ކައުންސިލް ބައްދަލުމުގައި އެމަގާމަށް ނަން ހުށަހަޅާފައި ވަނީވެސް އިބްރާހިމް ރަމީޒުގެ ނަން އެކަންޏެވެ. އަދި އިބްރާހިމް ރަމީޒު ވަނީ ކައުންސިލް ބައްދަލު ވުމަށް ހާޒިރު 6 މެމްބަރުންގެ އިއްތިފާގުން އިންތިހާބު ވެފައެވެ.

ހަތް މެމްބަރުން ތިއްބަވާ ކުޅުދުއްފުށީގެ ކައުންސިލްގެ މިއަދުގެ ބައްދަލު ވުމުގައި ކުރީގެ ރައީސް ޖަމްޝީދު މުހައްމަދުގެ ސިއްހީ ހާލަތު ތަން ނުދިނުމުގެ ސަބަބުން ބައިވެރިއެއް ނުވެއެވެ.

ކުޅުދުއްފުށީ ކައުންސިލުގައި ޖުމްލަ 7 މެމްބަރުން ތިއްބަވާއިރު އެ 7 ކައުންސިލަރުންނަކީވެސް ވެރިކަންކުރާ އެމްޑީޕީއަށް ނިސްބަތްވާ ކައުންސިލަރުންނެވެ.

ކުޅުދުއްފުށީ ކައުންސިލުގެ ފުރަތަމަ ރައީސް އެމަގާމުން އިސްތިއުފާ ދެއްވި ސަބަބެއްކަމަށް ވިދާޅުވެފައިވަނީ ބަލިހާލަތު ހުރި ގޮތުން މިވަގުތު ރައީސްކަމުގެ މަގާމުގައި ހުންނަވަން ބޭނުންވެވަޑައިނުގަތުން ކަމަށެވެ.