އާޕޮއިންޓް ކޮމްޕެނީން “ނައިންއެމްއެމް” އެނާޖީ ޑްރިންކް ބާޒާރަށް ނެރެފި

.

އިބްރާހިމް ހަމީދު

ކުޅުދުއްފުށީ އާޕޮއިންޓް ކޮމްޕެނީ ޕްރައިވެޓް ލިމިޓެޑުން “ނައިންއެމްއެމް” އެނާޖީ ޑްރިންކް ބާޒާރަށް ތަޢާރަފް ކޮށްފިއެވެ.

އާޕޮއިންޓްގެ މެނޭޖަރ އަހުމަދު ސައުދު ވިދާޅުވީ، ނައިންއެމްއެމް ބުރޭންޑް ތައާރަފް ކުރީ ހަމައެކަނި ކުޅުދުއްފުއްޓަށް އެކަނި ނޫންކަމަށާއި  މިއީ މިޕްރޮވިންސްގެ ވިޔަފާރިވެރިންނަށް އަމާޒުކޮށްގެން އަލަށް ނެރެވުނު އެނާޖީ ޑްރިންކް އެކެވެ.

“މިއީ މުޅިމި ޕްރޮވިންސަށް އަމާޒު ކޮށްގެން ތައާރަފް ކުރި ބްރޭންޑެއް. “ނައިންއެމްއެމް” އެނާޖީ ޑްރިންކަކީ ސީދާ އެމެރިކާގެ ކުންފުންޏެއްގެ އުފެއްދުމެއް. މިއީ މިހާރު ރާއްޖޭގެ ބަޒާރުގައި އަދި ދުނިޔެގައި މަގުބޫލުކަން ލިބެމުންދާ ޑްރިންކެއް.” ސައުދު ވިދާޅުވިއެވެ.

ކުޅިވަރު ކުޅޭ ޒުވާނުންނަށް ހާއްސަ ކޮށްގެން އުފައްދާފައިވާ މިބްރޭންޑަކީ ހުރިހާ އުމުރު ފުރައެއްގެ ބޭފުޅުންނަށް ވެސް ހަށިގަނޑުގެ ވަރުޖައްސައިދީ ހަކަތަ އިތުރުކޮށްދޭނެ ޑްރިންކެއް ކަމަށް އާޕޮއިންޓުން ބުނެއެވެ. އަދި އެހެން އެނާޖީ ޑްރިންކްތަކަށް ވުރެ މިބްރޭންޑް ޒުވާނުންނަށް ކަމުދާކަމަށް އެފަރާތުން މައުލޫމާތު ދެއްވިއެވެ.

އާޕޮއިންޓް ކޮމްޕެނީން ނައިންއެމްއެމް ބުރޭންޑް އެނާޖީ ޑްރިންކް ވިއްކަމުންދަނީ ހޯލްސޭލްކޮށް ކޭހެއް 450 ރުފިޔާއަށެވެ. މިބްރޭންޑްގެ ކުޅުދުއްފުށީގެ ސޯލް ޑިސްޓްރިބިއުޓަރަކީ އާޕޮއިންޓް ކުންފުންޏެވެ.