މިއަހަރުވެސް “ދަމު ހިނގުން” އޮންނާނެ

Nov 8, 2011

ކުރީ އަހަރުތަކެކޭ އެއްގޮތަށް މިއަހަރުގެ އަޟްޙާ ޢީދުގައިވެސް ދަމު ހިނގުން އޮންނާނެ ކަމަށް ކުޅުދުއްފުށީ ކައުންސިލުން ބުނެފި އެވެ.

ކައުންސިލުން މިހެން ބުނެފައިވަނީ، އިހު ޒަމާނުއްސުރެ ކުޅުދުއްފުއްޓަށް ހާއްސަ ޘަގާފީ ކުޅިވަރެއް ކަމަށްވާ ދަމު ހިނގުން މިއަހަރު އޮންނާނެކަމާމެދު ބައެއް ރައްޔިތުން ސުވާލުކުރަމުން ގެންދާތީ އެކަން ސާފުކުރުމަށް ކުޅުދުއްފުށީ ކައުންސިލުގެ ރައީސަށް ދެންނެވި ސުވާލަކަށް ޖަވާބު ދެއްވަމުން ނެވެ.

ކުޅުދުއްފުށީ ކައުންސިލުގެ ރައީސް އިބްރާހީމް ރަމީޒް ވިދާޅުވީ، އެހެން އަހަރުތަކެކޭވެސް އެއްގޮތަށް މާދަމާ ރޭ ކުޅުދުއްފުށީ އަމީރު އަމީން ސްކޫލުގެ ހުޅަނގުން ބަންޑާރަ މައިދާނުގައި ދަމު ހިނގުން އޮންނާނެ ކަމަށެވެ. އަދި ވީހާވެސް ގިނަ “މާލިތައް” މިކުޅިވަރުގައި ބައިވެރިވުމަކީ ކައުންސިލުން އެދޭ ކަމެއް ކަމަށް އިބްރާހީމް ރަމީޒް ވިދާޅުވި އެވެ.

ދަމު ހިނގުން ފެށޭނީ މާދަމާ ރޭ 21:00 ގައި އެވެ.

މިލިޔުމާއި ގުޅޭ