ކެމްޕަހުން ހިންގާ ޕޭސްޓްރީ ކޯހާއި ވެލްޑިންގ ކޯހުގައި ބައިވެރިވުމުގެ ފުރުސަތު ހުޅުވާލައިފި

.

އިބްރާހިމް ހަމީދު

2012 ވަނަ އަހަރު ގައުމީ ޔުނިވާސިޓީގެ ކުޅުދުއްފުށީ ކެމްޕަހުން ކުރިއަށް ގެންދިއުމަށް ހަމަޖެހިފައިވާ ޕޭސްޓްރީ އެންޑް ބޭކަރީ ކޯހާއި ވެލްޑިންގ އެންޑް މެޓަލް ފެބްރިކޭޝަން ކޯހުގައި ބައިވެރިވުމުގެ ފުރުސަތު ހުޅުވާލައިފިއެވެ.

6 މަސް ދުވަހުގެ މުއްދަތުގެ ޕޭސްޓްރީ އެންޑް ބޭކަރީ ކޯހަކީ ސެޓްފިކެޓް ލެވެލް 3 ގެ ކޯހެކެވެ. މި ކޯހުގެ ފީއަކީ 8520 ރުފިޔާއެވެ. ކޯހުގައި ބައިވެރިވުމުގެޝަރުތަކީ ގުރޭޑް ހަތެއްގެ ފެންވަރެވެ.

ވެލްޑިންގ މެޓަލް ފެބްރިކޭޝަން ކޯހުގައި ބައިވެރިވުމުގެ ޝަރުތަކީ ގުރޭޑް ދިހައެއް ނިންމާފައިވުމެވެ. ދޮޅު އަހަރުގެ މި ކޯހުގެ ފީއަކީ 10700 ރުފިޔާއެވެ.

މިއިން ކޮންމެ ކޯހެއްގައި 25 ހުޅުވާލެވިފައި ވެއެވެ. ފޯމްބަލައިގަތުމާއި ދޫކުރުން ކުޅުދުއްފުށީ ކެމްޕަހުގައި ކުރިއަށްދާނެކަމަށާއި ކޯހުގައި ބައިވެރިވުމަށް ފޯމްލެވޭނެ އެންމެ ފަހު ތާރީހަކީ 29 ޑިސެމްބަރު ވާ އަންަގާރަ ދުވަހުގެ ހަވީރު 4 ޖެހުމާއި ހަމައަށް ކަމަށް ދިވެހިރާއްޖޭގެ ގައުމީ ޔުނިވާރސިޓީ ކުޅުދުއްފުށީ ކެމްޕަހުން ނެރެފައިވާ އިއުލާނުގައި ބުނެފައިވެއެވެ.