ބޮޑު މުޒާހަރާގައި ކުޅުދުއްފުށީ ނޫރު ޖަމިއްޔާއިން ބައިވެރިވުމާމެދު ވިސްނަނީ

.

އިބްރާހިމް ހަމީދު

“އިސްލާމް ދީންގެ ހިމާޔަތުގައި ދިވެހީން ” ގެ ނަމުގައި ޑިސެމްބަރ 23 ވާ ހުކުރު ދުވަހު ރާއްޖޭގައި ބާއްވާ ބޮޑު މުޒާހަރާގައި ބައިވެރިވުމާމެދު މަޝްވަރާ ކުރެވެމުން ދާކަމަށް ކުޅުދުއްފުށީ ނޫރު ޖަމްއިއްޔާއިން ބުނެފިއެވެ.

ކުޅުދުއްފުށީ އޮންލައިނުން ދެންނެވި ސުވާލަކަށް ޖަވާބު ދެއްވަމުން ނޫރު ޖަމްއިއްޔާގެ ރައީސް ސައީދު އިބްރާހިމް ވިދާޅުވީ، ޑިސެމްބަރު 23 ގައި އޮންނަ ބޮޑު މުޒާހަރާގައި ބައިވެރިވުމާއި މެދު މަޝްވަރާ ކުރެވެމުން ދާކަމަށާއި ނަމަވެސް އަދި ގޮތެއް ނިންމާފައެއް ނުވެއެވެ.

“އިސްލާމް ދީންގެ ހިމާޔާތުގައި ދިވެހީން މިނަމުގައި ޑިސެމްބަރު 23ގައި ރާއްޖޭގައި ބާއްވާ ބޮޑު މުޒާހަރާގައި ބައިވެރިވާނީ ތޯ ނުވަތަ ނުވާނީތޯ  ނިންމުމަށް ޖަމްއިއްޔާގެ މެމްބަރުންގެ މެދުގައި މަޝްވަރާ ކުރަމުން މިދަނީ. ނަމަވެސް އަދި އެއްވެސް ގޮތަކަށް ފާހެއް ނުވޭ. މިފަދަ ބޮޑު މުޒާހަރާއެއްގައި ބައިވެރިވުމަކީ ވަރަށް ބޮޑަށް ވިސްނަން ޖެހޭ ކަމެއް.” ނޫރު ޖަމިއްޔާގެ ރައީސް ސައީދު އިބްރާހިމް ވިދާޅުވިއެވެ.

ކުޅުދުއްފުށީ ނޫރު ޖަމްއިއްޔާއަކީ ކުޅުދުއްފުށީގައި ދީނީ ކަންތައްތައް ކުރިއެރުވުމަށާއި ދީނަށް ލޯބި ޖެއްސުމަށް ތަފާތު ދަރުސްތަކާއި ހަރަކާތްތައް ހިންގާ ޖަމިއްޔާއެކެވެ.