ކުއްޔަށް ދިންތާ އަހަރު ދުވަސްފަހުން ކުލީގެ އެއްބަސްވުމުގައި ކޭޕީއެލް އާއެކު ކުޅުދުއްފުށީ ކައުންސިލުން ސޮއި ކޮށްފި

Dec 25, 2011

އަބްދުލްވާހިދު ހަސަން

މިދިޔަ އަހަރު ކުޅުދުއްފުށީ ކައުންސިލުން ކުޅުދުއްފުށީ ޕޯޓްސް ލިމިޓެޑް (ކޭޕީއެލް) އަށް ކުއްޔަށް ދީފައިވާ ބިމުގެ ކުލީގެ އެއްބަސްވުމުގައި އެކުންފުންޏާއެކު ކައުންސިލުން މިއަދު ސޮއި ކޮށްފި އެވެ.

މިއަދު ސޮއި ކުރެވުނު އެއްބަސްވުމާ ގުޅޭގޮތުން މައުލޫމާތު ދެއްވަމުން ކުޅުދުއްފުށީ ކައުންސިލުގެ ރައީސް އިބްރާހީމް ރަމީޒް ވިދާޅުވީ، ކުޅުދުއްފުށީ ލޯކަލް ބަނދަރު ސަރަހައްދުގައި ޓިނުން ހަދާފައިވާ އިމާރާތާއި ބިން 10 އަހަރު ދުވަހުގެ މުއްދަތަށް ކުޅުދުއްފުށީ ޕޯޓްސް ލިމިޓެޑަށް ކުއްޔަށް ދީފައިވާ ކަމަށެވެ.

މިހާރު އެސްޓީއޯއިން ބޭނުން ކުރަމުން އަންނަ މިއިމާރާތާއި ބިމުގެ ކުއްޔާއި ބެހޭގޮތުން ކައުންސިލުގެ ރައީސް ވިދާޅުވީ، “ހަނދާންވާ ގޮތުގައި ކުއްޔަކީ މަހަކު 3010 ރުފިޔާ” ކަމަށެވެ.

ބަނދަރު ސަރަހައްދުން ކޭޕީއެލްއިން ކުއްޔަށް ހިފާފައިވާ ބިމުގެ ކުލީ އެއްބަސްވުމުގައި މިއަދު ސޮއި ކުރި ނަމަވެސް ކުލީގެ މުއްދަތު ގުނާފައިވަނީ އެބިން ކުއްޔަށް ދީފައިވާ ތާރީހުން ފެށިގެން ކަމަށް މައުލޫމާތު ލިބެއެވެ. ހުސްވި އަހަރުގެ ނޮވެމްބަރު މަހުން ފެށިގެން ކުއްޔަށް ދީފައިވާ މި ބިމުގެ އެގްރީމެންޓާއި ގުޅޭގޮތުން އެދުވަސްވަރު ކުޅުދުއްފުށީގެ ކައުންސިލަރަކަށް ހުންނެވި ޖަމްޝީދު މުހައްމަދުގެ ބަހެއް ހޯދަން ކުރި މަސައްކަތް މިއަދު ކާމިޔާބުވާ ގޮތް ވަނީ ނުވެފައި އެވެ.

މިލިޔުމާއި ގުޅޭ