ކުޅުދުއްފުށީ އިންޓަނޭޝަނަލް ޕޯޓް އިތުރަށް ތަރައްޤީ ކުރަނީ

ކުޅުދުއްފުށީ އިންޓަނޭޝަނަލް ޕޯޓް އިތުރަށް ތަރައްޤީ ކުރުމުގެ ގޮތުން ކުރަންޖެހޭ ބައެއް މަސައްކަތްތައް ބީލަމަށް ލައިފި އެވެ.

“ކުޅުދުއްފުށީ އިންޓަނޭޝަނަލް ޕޯޓް ޑިވެލޮޕްމަންޓް ޕުރޮޖެކްޓް” ގެ ނަމުގައި ކުރިއަށް ގެންދާ މިމަޝްރޫޢުގެ ދަށުން ބީލަމަށް ލާފައިވަނީ، ބަނދަރުގެ ބާތު ފުންކުރުމަށާއި މިހާރު އޮތް ކީވޯލް އިތުރު ކުރުމަށެވެ. އަދި، ބަނދަރުގެ ޝޯ ޕުރޮޓެކްޝަންގެ މަސައްކަތްވެސް އެޕުރޮޖެކްޓްގެ ތެރޭގައި ހިމެނެއެވެ.

ކުޅުދުއްފުށީ ޕޯޓު ލިމިޓެޑްގެ މެނޭޖިން ޑިރެކްޓަރ އަހުމަދު އާތިފް ވިދާޅުވީ، މިޕުރޮޖެކްޓްގެ ދަށުން މިހާރު ބީލަމަށް ލާފައިވާ މަސައްކަތްތައް ނިންމާލުމުން 3000 ޓަނާއި 4000 ޓަނުގެ ބޯޓު ތަކަށް އެބަނދަރަށް ވަދެވޭނެ ކަމަށެވެ.

ކުޅުދުއްފުށީ ޕޯޓު ލިމިޓެޑުން މައުލޫމާތު ދޭ ގޮތުގައި، ބީލަމުގެ ޕްރީ ބިޑް މީޓިން އޮންނާނީ މިމަހުގެ 19 ވަނަ ދުވަހު އެކުންފުނީގެ މާލޭގެ އޮފީހުގައި އެވެ. އަދި ބިޑް ހުޅުވުން އޮންނާނީ އަންނަ މަހުގެ 2 ވަނަ ދުވަހު އޮންނާނެ އެވެ.

ކުޅުދުއްފުށި އިންޓަނޭޝަނަލް ބަނދަރު ހިންގަމުން އަންނަ ކުޅުދުއްފުށީ ޕޯޓްސް ލިމިޓެޑުން ވަނީ ބަނދަރު ތަރައްޤީކޮށް ކުރިއެރުވުމަށްޓަކައި ޖޮއިންޓް ވެންޗަރ އެގްރީމެންޓެއްގައި މޯލްޑިވްސް ޕޯޓްސް ލިމިޓެޑާއެކު ސޮއި ކޮށްފައި އެވެ.