ކުމުންދޫ ނެރުމައްޗަށް މަސް ދޯންޏެއް އަރައިފި

.

ހދ ކުމުންދޫ ނެރުމައްޗަށް މިއަދު ހަވީރު މަސް ދޯންޏެއް އަރައިފި އެވެ.

މިއަދު ހަވީރު ގާތްގަނޑަކަށް 5:40 ހާއިރު ހިނގި މިހާދިސާގައި ކުމުންދޫ ނެރުމައްޗަށް އަރާފައިވަނީ ހދ އަތޮޅު ކުރިނބީގައި ދުއްވާ “އަޒުމް” ނަމަކަށް ކިޔާ މަސް ބޯޓެއް ކަމަށް އެމްއެންޑީއެފުން ބުނެއެވެ.

ކުމުންދޫ ކައުންސިލްގެ މެމްބަރެއް ކަމަށްވާ ފަޒީލް މިނޫހަށް މައުލޫމާތު ދެމުން މިރޭ 9:30 ހާއިރު ވިދާޅުވީ، އެރަށު ނެރުމައްޗަށް އަރާފައިވާ ދޯނި ފުންކުރުމުގެ މަސައްކަތް އެމްއެންޑީއެފުން ކުރިއަށް ގެންދާ ކަމަށެވެ. އެހެންނަމަވެސް އަދި ފުންކުރެވިފައި ނުވާ ކަމަށް އޭނާ ވިދާޅުވި އެވެ.

40 ފޫޓްގެ މި މަސްދޯނި ފުންކުރުމުގެ މަސައްކަތް އެމްއެންޑީއެފްގެ ނޯދަން އޭރިޔާގެ ސިފައިން ކުރަމުން އަންނަ މިހާދިސާއާ ބެހޭ ގޮތުން ފުލުހުންގެ ބަހެއް އަދި ވަނީ ލިބޭގޮތް ނުވެފައި އެވެ.