ގްލޯނެޓް އިންފޯރ ޑޭ މިއަހަރު ވެސް ކުޅުޅުދުއްފުށީގައި އޮންނާނެ: ގްލޯނެޓް

ހުސްނާ ޢަބްދުﷲ

ގްލޯނެޓް އިންފޯރ ޑޭ މިއަހަރު ވެސް ކުޅުޅުދުއްފުށީގައި އޮންނާނެ ކަމަށް ގްލޯނެޓުން ބުނެފި އެވެ.

އަންނަ މަހުގެ 2 ވަނަ ދުވަހު ކުޅުދުއްފުށީގައި ކުރިއަށް ގެންދިއުމަށް ހަމަޖެހިފައިވާ މިޕުރޮގްރާމަކީ މަތީ ތައްލީމަށް ޝަވްގުވެރިކަން ހުރި ކުދިންނާއި ، ބެލެނިވެރިންނަށް ބޭނުންވާ މުހިއްމު މައުލޫމާތު ދިނުމާއި ރާއްޖޭންބޭރަށް ކިޔަވަންދާ ކުދިން ދަތުރަށް ތައްޔާރުވުމަށް ބޭނުންވާނެ އެހީ ތެރިކަން ފޯރުކުރުމުގެ މަގްސަދުގައި ބާއްވާ ޕްރޮގްރާމެއް ކަމަށް ގްލޯނެޓުން ބުނެއެވެ.

މިގޮތުން ދަރިވަރުންނަށް މަތީ ތައުލީމު ހާސިލް ކުރުމަށްޓަކައި ހުޅުވިފައިވާ ދޮރުތައް އެކުދިންނަށް ކިޔައިދީ އަދި އެކުދިންނަށް ކުރިއަށް ދިޔުމަށް ބޭނުންވާ ރޮނގުތަކުން ކާމިޔާބާއެކު ކުރިއަށް ދިޔުމުގެ މަގު ތަނަވަސް ކޮށްދީ ހިތްވަރު ދިނުމާއި ، އެކުދިންގެ ކިޔެވުމަށް ޚަރަދުކުރެވެން ހުރި މިންވަރުން ރަނގަޅު ކޮލެޖްތަކާއީ ކޯސްތަށް ހިޔާލުކުރުމުގައި ވިސްނާނެގޮތް ބުނެދިނުންވެސް މި ސެޝަންގައި ހިމެނޭނެ ކަމަށް އެފަރާތުން މައުލޫމާތު    ދެއެވެ.

ގްލޯނެޓް އިންފޯރޑޭ މިފަހަރު ބާއްވާގޮތަށް ހަމަޖެހިފައިވަނީ ސައުތު ޕްރޮވިންސްގެ  ދެ ރަށެއްގައާއި ނޯތް ޕްރޮވިންސްގެ ރަށެއްގައެވެ. އެގޮތުން މިހާރު އައްޑޫގައި މި ޕުރޮގްރާމް ކުރިއަށް އެބަދެއެވެ. އަދި އަންނަ މާރޗް މަހުގެ 2 ވަނަ ދުވަހު ކުޅުދުއްފަށީގައި މި ޕްރޮގްރާމް ކުރިއަށް ގެންދާނެ ކަމަށް ގްލޯނެޓުން މައުލޫމާތު ދެއެވެ. މި އިވެންޓް ކުރިއަށްދާނީ އެދުވަހުގެ ހަވީރު 4 ކުން 6 އަކަށް ޖަލާލުއްދީން ސްކޫލުގައި އެވެ.

ގްލޯނެޓްގެ އޮފިޝަލެއް މިނޫހަށް މައުލޫމާތު ދީފައިވާ ގޮތުގައި، މިސެޝަން ގައި މަޢުލޫތުމާތު ދެއްވާނީ މެލޭޝިއާގެ ހަތަރު ފަރާތެއް ކަމަށްވާ ސަންވޭ ޔުނިވާރސިޓީ އާއި ސެޖީ ޔުނިވާރސިޓީ ކޮލެޖް ގެ އިތުރުން ޔޫ.ސީ.ޓީ.އައި އަދި ކޭ.އެލް.އައި.ޔޫ.ސީ ގެ ބޭފުޅުންނެވެ. މީގެ އިތުރުން ގްލޯނެޓްގެ ކައުންސިލަރުން ވެސް ބައިވެރިންނަށް މައުލޫމާތު ދެއްވާނެ އެވެ.

ގްލޯނެޓުން ބާއްވަމުން އަންނަ މި ޕްރޮގްރާމް މައިގަނޑު ގޮތެއްގައި އަމާޒު ކުރެވިފައިވަނީ ވޭތުވެ ދިޔަ އަހަރު ސާނަވީ އަދި މަތީ ސާނަވީ ނިންމި ދަރިވަރުންނަށާއި މަތީ ގްރޭޑުތަކުގައި މިހާރު ކިޔަވަމުންދާ ކުދިންނާއި އެދަރިވަރުންގެ ބެލެނިވެރިންނަށެވެ. މީގެ އިތުރުން މި އިވެންޓާ ގުޅުންހުރި މުދައްރިސުންނަށާއި ވަޒީފާ އަދާ ކުރައްވަމުން ގެންދަވާ މަތީ ތައުލީމަށް ޝައުޤުވެރިވާ ފަރާތްތަކަށެވެ.

ގްލޯނެޓުުުން ވަނީ މިދިޔަ އަހަރުގެ ޖުލައި މަހުވެސް މިފަދަ ޕްރޮގްރާމެއް ކުޅުދުއްފުށީގައި ބާއްވާފައެވެ.