ސަރުކާރާ ދެކޮޅަށް އެމްޑީޕީން ކުޅުދުއްފުށީގައި ވެހިކަލް ބުރެއް ބާއްވައިފި

Mar 9, 2012

މިހާރު އޮތް ސަރުކާރު ގަބޫލުނުކުރާ ކަމަށް ބުނެ ކުޅުދުއްފުށީގައި ވެހިކަލް ބުރެއް ބާއްވައިފި އެވެ.

އެމްޑީޕީގެ ރީނދޫ ދިދަ އާއި ގިނައަދަދެއްގެ ރީނދޫ ފުއްޕާހަން ހަރުކޮށްފައި ހުރި ޕިކަޕް ތަކުގައި ވެހިކަލް ބުރު ފަށާފައިވަނީ މިއަދު ހަވީރު ކުޅުދުއްފުށީ އަމީރު އަމީން ސްކޫލު ސަރަހައްދުންނެވެ. ހަވީރު ފެށި މިވެހިކަލް ބުރުގައި ގާތްގަނޑަކަށް 30 އުޅަނދު ބައިވެރިވި އެވެ. އަދި އޭގެ އިތުރުން ގިނަ އަދަދެއްގެ ބަޔަކު ސައިކަލްތަކުގައި ވެސް ދުއްވާފައި ވެއެވެ.

މިވެހިކަލް ބުރުގައި ޑރ. ވަހީދުގެ ސަރުކާރާ ދެކޮޅު ޝުއޫރުތަކެއް ފާޅުކުރަމުން ދިޔައެވެ. އަދި އަވަސް އިންތިހާބެއް ބޭއްވުމަށާއި ޑރ. ވަހީދުގެ އިސްތިއުފާ އަށް ވެސް މިލޮރީ ބުރުގައި ގޮވާފައި ވެއެވެ. މިވެހިކަލް ބުރު ނިންމާލާފައިވަނީ ވެސް އަމީރު އަމީން ސްކޫލުގެ ހުޅަނގުން އޮންނަ ހުސްބިމަށެވެ.

މިލިޔުމާއި ގުޅޭ