ރޭ ދަންވަރުން ފެށިގެން ކުޅުދުއްފުށިން ގެއްލިގެން ހޯދަމުންދިޔަ 17 އަހަރުގެ ކުއްޖާ ފެނިއްޖެ އެވެ.
ފުލުހުންގެ މީޑިޔާ އޮފިޝަލް ވިދާޅުވީ ކުޅުދުއްފުށީ މާއޮފި އުމުރުން 17 އަހަރުގެ ފާތިމަތު ވަހީދާ ގެއްލިގެން ހޯދަމުން ދަނިކޮށް މިއަދު ހެނދުނު ކުޅުދުއްފުށީގައި ހުންނަ ފުލުހުންގެ މަރުކަޒަށް އައިސް އަމިއްލަ އަށް ފުލުހުންނާ ހަވާލުވެފައިވާ ކަމަށެވެ. އަދި މިހާރު އެކުއްޖާ ހުރީ ފުލުހުންގެ ބެލުމުގެ ދަށުގައި ކަމަށާއި އެމައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ބުނެއެވެ.
ގެއްލުނު ކުޑަކުއްޖާގެ މަންމަ ޒުބައިދާ ހުސެއިން ކުޅުދުއްފުށީ އޮންލައިނަށް މައުލޫމާތު ދެމުން މިއަދު ހެނދުނު ބުނެފައިވަނީ، ރޭ 12 ޖެހިއިރު ޑިއުޓީ ނިންމާފައި ގެއަށް އައިއިރު ދަރިފުޅު ގޭގައި ނެތްކަން އެނގުމުން ހޯދަން ފަށާފައިވާ ކަމަށެވެ. މިދިޔަ އަހަރު ގްރޭޑް 10 ނިންމި އެކުއްޖާ އެންމެ ފަހުން ފެނިފައިވަނީ ރޭ 9 ޖަހާއިރު ޒުބައިދާ ގެއަށް ބްރޭކަށް ދިޔަ ވަގުތުކަމަށް އޭނާ ބުނެއެވެ.
މިމައްސަލައާ ގުޅޭ އިތުރު ތަފްސީލު އަދި ވަނީ ލިބޭގޮތް ނުވެފައި އެވެ.
އިސްލާމީ މަރުކަޒަކާއި އިސްލާމީ ޔުނިވާސިޓީގެ ގޮތްފެއް ގާއިމުކޮށްދިނުމަށް އެދިއްޖެ
ރާއްޖޭގައި އުފެއްދި ފުރަތަމަ ޑިޒާސްޓާ ކޮމެޓީ ކުޅުދުއްފުށީގައި އެކުލަވާލައިފި
ރާއްޖޭގައި އުފެއްދި ފުރަތަމަ ޑިޒާސްޓާ ކޮމެޓީ އެކުލަވާލުން
ނޭކުރެންދޫގައި އަތޮޅު ފެންވަރުގައި ކުޑަކުދިންގެ ދުވަސް ފާހަގަކުރަނީ
