ކުޅުދުއްފުށީގައި ދުއްވާފައި ދިޔަ ފުލުހުންގެ ވެހިކަލެއް ކޮންޓްރޯލް ނުވެގެން އެކްސިޑެންޓް ވެއްޖެ

.

ކުޅުދުއްފުށީ ގައި ދުއްވާފައި ދިޔަ ފުލުހުންގެ ވެހިކަލެއް ކޮންޓްރޯލް ނުވެގެންގޮސް ގެއެއްގެ ގޭޓުގައި ޖެހި އެކްސިޑެންޓް ވެއްޖެއެވެ.

މިއަދު ހެނދުނު ބަންޑާރަމަގުން ދެކުނަށް ދުއްވާފައި ދިޔަ ފުލުހުންގެ ވޭން ކޮންޓްރޯލް ނުވެގެން ގޮސް ޖެހިފައިވަނީ، ކުޅުދުއްފުށީ އާޕޮއިންޓް ފިހާރަ އާއި ޖެހިގެން ހުންނަ ސުވޭހުހީނާގޭ ގެ ގޭޓެއްގައެވެ. މިހާދިސާގައި އެއްވެސް މީހަކަށް އަނިޔާ ވެފައެއް ނުވެއެވެ.

ފުލުހުންގެ މީޑިއާ އޮފިޝަލް ހަސަން ހަނީފް ވިދާޅުވީ، ފުލުހުންގެ ވެހިކަލެއް ސުވޭހުހީނާގޭ ގައި ހުރި ގަރާޖުގެ ގޭޓުގައި ޖެހި އެކްސިޑެންޓްވި ހާދިސާ ގައި ގޭޓަށް ގެއްލުން ލިބި، ގޭޓާއި އިންވެގެން ހުރި 6 ފޫޓު 3 ފޫޓުގެ ފާރެއް ވެއްޓިފައިވާ ކަމަށެވެ. އަދި ވެހިކަލަށްވެސް ގެއްލުން ލިބިފައިވާކަމަށް ވިދާޅުވިއެވެ.

މިމައްސަލަ ފުލުހުން މިހާރު ދަނީ އިތުރަށް ތަހުގީގު ކުރަމުންނެވެ.