ސުނާމީގެ ބިރުވެރިކަމެއް ނެތް

17:30

ކުޅުދުއްފުށީގެ އެންމެ ދެކުނު ކޮޅުގައި ހުންނަ ކުޅުދުއްފުށީ އިންޖީނުގޭގެ ގޭޓުތަކުގެ ކައިރީގައި ވެލިބަސްތާ ވަނީ ޖަހާފައި.

17:20

ހދ. އަތޮޅު ކައުންސިލްގެ ރައީސް މުހައްމަދު ޝުކޫރު ވިދާޅުވީ، ގަޑި އަކު އެއްފަހަރު އަތޮޅުގެ އެކި ރަށްތަކަށް ގުޅަމުން އެބަދާކަމަށް. އަދި ކޮންމެ ރަށެއްގައިވެސް ޓާސްކްފޯސް އުފެއްދުމުގެ މަސައްކަތް ތައް ހދ. އަތޮޅު ކައުންސިލްއިން ކޯޑިނޭޓް ކޮށްފައިވާކަމަށް. ޝުކޫރު އިތުރަށް ވިދާޅުވީ، ބިން ހެލުމުގެ އަސަރު ކުރިކަމަށް އެއްވެސް ރަށަކުން ރިޕޯޓް ނުކުރާކަމަށް. އަދި ސުނާމީ އެއްގެ އަސަރުވެސް ފެނިފައެއް ނުވޭ.

17:05

އިންޑޮނީޝިއާ އަށް ދެ ފޫޓު ބައިގެ ސުނާމީއެއް އަރައިފިކަމަށް ރިޕޯޓްތައް ބުނޭ.

ސުނާމީ އެލާޓްގެ ވަގުތު ރޭގަނޑު 7:30އަށް އިތުރުކޮށްފި.

17:05

ކުޅުދުއްފުށީގެ ދިޔަވަރު: މިއީ ދިޔަވަރު ބޮޑު ގަޑިއެއް. އާދަޔާ ހިލާފު ބަދަލުތަކެއް ދިޔަވަރަށް އައިސްފައެއް ނުވޭ.

17:00

ރާއްޖޭގެ އެންމެ ހުޅަނގުގައި އޮންނަ ހދ. މަކުނުދޫ އިން މައުލޫމާތު ލިބޭގޮތުގައި އެރަށުގެ ރައްޔިތުންނަށް ވެސް ބިންހެލުމުގެ ލޮޅުން އިހުސާސް ކުރެވުނު. މަކުނުދޫގައި ވެސް ވަނީ ތައްޔާރީ ހާލަތަށް އައިސްފައި.

16:25

ކުޅުދުއްފުށީ ފަޅުތެރޭގައި އަޅާފައިހުރި ގިނަ އަދަދެއްގެ ބޯޓު ފަހަރުވަނީ ފަޅުން ނެރެފައި.

16:20

މަރާމާތަށްޓަކައި ކ. ގުޅި އަށް އެހެލާފައި އޮތް ކުޅުދުއްފުށީ ބާދްޝާހު ބޯޓު މޫދަށް ބާލައިގެން މާލެ ކައިރިއަށް ދަތުރު ކުރަމުން އެބަދޭ. ނަމަވެސް ބޯޓުން މައުލޫމާތު ދިން ގޮތުގައި މާލޭ ފަޅުތެރެއަށް ވަނުމަށް ހަމަޖެހިފައެއް ނުވޭ.

16:15

ކުޅުދުއްފުށީ ޕޮލިސް ސްޓޭޝަން އާއި އެމްއެންޑީއެފް ވަނީ ތައްޔާރީ ހާލަތަށް އައިސްފައި. އަދި ކަމެއްދިމާ ވެއްޖެނަމަ އަމަލުކުރާނެ ގޮތްތަކާއި ބެހޭގޮތުން ފުލުހުންނާއި ކައުންސިލްގެ ޑިޒާސްޓަރ މެނޭޖްމަންޓް ޓީމު ދަނީ މަޝްވަރާތައް ކުރަމުން.

16:00

ކުޅުދުއްފުއްޓަށް އަރާފާނެ ސުނާމީ އަކަށް ތައްޔާރު ވުމައްޓަކައި ގިނަ ފިހާރަތަކެއް މިހާރު ވަނީ ބަންދުކޮށްފައި.

15:40

ކުޅުދުއްފުށީ ރީޖަނަލް ހޮސްޕިޓަލް ވަނީ ކުއްލިހާލަތަށް ގެނެސް ތައްޔާރީ ހާލަތަށް އައިސްފައި.

15:35

ކުޅުދުއްފުށީގެ ކައުންސިލްގެ ރައީސް އިބްރާހިމް ރަމީޒް ވިދާޅުވީ ސުނާމީއެއް އަރާފާނެކަމަށް ރައްޔިތުންނަށް މައުލޫމާތު ފޯރުކޮށްދީ އިލްތިމާސްކުރަމުން ދާކަމަށް. އަދި ސުނާމީ އަށް ތައްޔާރު ވެތިބުމަށްޓަކައި ރަށުގެ އަތިރި މަތީ ހިސާބުތަކުގައި ވެލިފުނި މަސައްކަތް ފެށިގެން ކުރިއަށް އެބަދޭ.

15:30

ރާއްޖޭން ބޭރުން ލިބޭ ރިޕޯޓްތަކުން ބުނާގޮތުގައި އަދި މިހާތަނަށް އެއްވެސް ގައުމަކަށް ސުނާމީއެއް އަރާފައެއްނުވޭ.

15:00

ކުޅުދުއްފުށީ ސްކޫލުތަކުގެ ކިޔެވުން މެދުކަނޑާލައި ހުރިހާ ދަރިވަރުން ގެޔަށް ފޮނުވާލައިފި.

14:00

އިންޑޮނޭޝިއާގެ އައްސޭރިފަށަށް ރިކްޓަރ މިންގަނޑުން  8.6 ގެ ބާރުގަދަ ބިންހެލުމެއް އައުމާގުޅިގެން ސުނާމީ އެލަރޓް ނެރެފި