އެއް ޖިންސުން ގުޅުން ހިންގަމުން ދިޔަ ދެ ކުޑަ ކުއްޖަކު ފުލުހުންގެ ބެލުމުގެ ދަށަށް ގެންގޮސްފި

.

އދ. މަހިބަދޫގައި އެއް ޖިންސުން ގުޅުން ހިންގަމުން ދިޔަ ދެ ކުޑަ ކުއްޖަކު ފުލުހުންގެ ބެލުމުގެ ދަށަށް ގެންގޮސްފި އެވެ.

ފުލުހުން ކުޅުދުއްފުށި އޮންލައިން އަށް މައުލޫމާތު ދެމުން ބުނީ އދ މަހިބަދޫގައި އެއް ޖިންސުން ގުޅުން ހިންގަމުންދިޔަ އުމުރުން 15 އަހަރުގެ ދެ ފިރިހެން ކުދިން ހައްޔަރުކޮށްފައި ވަނީ މިދިޔަ ބުރާސްފަތި ދުވަހުގެ ރޭ ގައި ކަމަށެވެ.

އެ ދެކުދިން ހައްޔަރު ކޮށްފައިވަނީ އެރަށުގައި ޕެޓްރޯލް ކުރަމުންދިޔަ ފުލުހުންނަށް އެ ދެ ކުދިން އެއަމަލު ހިންގަން ތިބި ތަން ފެނިގެން ކަމަށް ވެސް ފުލުހުން ބުނެއެވެ.

ފުލުހުން ބުނީ އެ ދެ ކުދިން މިހާރު ތިބީ ކޯޓު އަމުރެއްގެ ދަށުން ފުލުހުންގެ ބެލުމުގެ ދަށުގައި ކަމަށެވެ. އެ ކުދިންގެ ބަންދުގެ މުއްދަތުގެ ގޮތުގައި 10 ދުވަސް ކޯޓުން ދީފައިވާ ކަމަށް ފުލުހުން ބުނެއެވެ.