އެޑިޓޯރިއަލް: ކުޅުދުއްފުށި އޮންލައިން އަށް ދިމާވި މައްސަލަ

ކުޅުދުއްފުށި އޮންލައިން ގެ ވެބްސައިޓް ކުރިން ހޯސްޓް ކޮށްފައިވާ ސަރވާ އިން އެހެން ސަރވާ އަކަށް ބަދަލުކުރުމުގެ މަސައްކަތް މިމަހުގެ 21 ވަނަ ދުވަހުގެ ރޭ ކުރިއަށް ގެންދާ ގޮތަށް ނިންމާ އެމަސައްކަތް އެރޭ ވަނީ ނިންމާލެވިފައި އެވެ. ސަރވަރ ބަދަލު ކުރުމަށްފަހު ވެބްސައިޓުގައި ޓެކްނިކަލް މައްސަލަތަކެއް އުޅޭ ކަން ފާހަގަކުރެވިގެން އެކަން ހައްލު ކުރުމުގެ މަސައްކަތް މިމަހުގެ 22 ވަނަ ދުވަހުން ފެށިގެން ވަނީ ކުރިއަށް ގެންގޮސްފައެވެ.

ވެބްސައިޓަށް ދިމާވި ޓެކްނިކަލް މައްސަލަތައް ހައްލުކުރުމުގެ މަސައްކަތުގެ ތެރޭގައި އަލަށް ހޯސްޓްކުރި ސަރވަރ އަށް ބަދަލުކުރުމުގެ ތެރޭގައި ދިމާވި ބޮޑު މައްސަލައެއްގެ ސަބަބުން އަދިވެސް ވެބްސައިޓު އޭގެ އެންމެ ފުރިހަމަ ގޮތުގައި ބޭނުން ނުކުރެވޭނަ ވާހަކަ ހިތާމައާ އެކު ދަންނަވެމެވެ. އަދި، ކުޅުދުއްފުށީ އޮންލައިންގެ 5 އަހަރު ވެފައިވާ އާކައިވްސް ބެލެހެއްޓުމުގައި ދިމާވި މައްސަލަތައް ވެސް ހައްލުކުރުމުގެ މަސައްކަތް ކުރިއަށް ގެންދާތީ ކުރީގެ ލިޔުންތަކަށް ވަނުމުގައި މައްސަލަތަކެއް ދިމާވުމަކީ އެކަށީގެންވާ ކަމެކެވެ. އަދި ބައެއް ކަނެކްޝަންތަކުން (ހާއްސަކޮށް ބްރޯޑްބޭންޑް މޮޑެމް ފަދަ ޑިވައިސްތަކުން) ވެބްސައިޓަށް ވަނުމުގައި ދަތިތައް ކުރިމަތި ވުމަކީ އެކަށީގެންވާ ކަމެކެވެ.

ސާރވަރ ބަދަލުކުރުމުގައި، ކުރިން ލަފާކޮށްފައި ނުވާފަދަ މައްސަލައެއް ދިމާވުމުން އެ މައްސަލަ ހައްލުކުރުމަށް ގިނަ ވަގުތުތަކެއް ހޭދަވެ އަދި ވެބްސައިޓު ބޭނުންކުރުމުގައި ދިމާވަމުންދާ ދަތިތަކަށް ތިޔަ ލޮބުވެތި ކިޔުންތެރިންގެ އަރިހުން މާފަށް އެދެމެވެ. އަދި، މި ވަގުތުތަކުގައި ވެސް ކުޅުދުއްފުށި އޮންލައިން އާއިމެދު ތިޔަ ބަހައްޓަވާ ގާތްކަމަށް ކުޅުދުއްފުށި އޮންލައިންގެ މެނޭޖްމަންޓުގެ ނަމުގައި ޝުކުރު ދަންނަވަމެވެ.