ކުޅުދުއްފުށި އޮންލައިނުން ބޭއްވި ޔޫރޯ އެސްއެމްއެސް މުބާރާތުގެ އެއްވަނަ އަހުމަދު ސައީދު ހޯދައިފި

.

ޔޫރޯ ފުޓްބޯޅަ މުބާރާތަށް ހާއްސަކޮށްގެން ކުޅުދުއްފުށި އޮންލައިން އާއި ކުޅުދުއްފުށީގެ ފިހާރައެއް ކަމުގައިވާ ކުއަންޓަމް އާއި ގުޅިގެން ބޭއްވި “ޕްރެޑިކްޓް އެންޑް ވިން އެސްއެމްއެސް ޗެލެންޖް” މުބާރާތުގެ އެއްވަނަ ކުޅުދުއްފުށީ ހިމާލިއާގެ، އަހުމަދު ސައީދު ހޯދައިފި އެވެ.

ޔޫރޯ ފުޓްބޯޅަ މުބާރާތުގެ މެޗުތަކުގެ ސްކޯ ލަފާކޮށް އެސްއެމްއެސް ކުރާގޮތަށް ބޭއްވި މި މުބާރާތުގެ އެއްވަނަ އޭނާ އަށް ލިބިފައިވަނީ އެސްއެމްއެސް ކުރި ހުރިހާ ފަރާތްތަކެއްގެ ތެރެއިން އެންމެ ގިނަ މެޗުގެ ސްކޯ ދިމާކޮށްގެންނެވެ.

މުބާރާތުގައި ދެވަނަ އަށް އެންމެ ގިނަ މެޗުގެ ނަތީޖާ ދެ ފަރާތަކުން ދިމާކޮށްފައި ވުމުން، މުބާރާތުގެ ދެވަނަ އަދި ތިންވަނަ ހޮވާފައިވަނީ ގުރުއަތުންނެވެ. އެގޮތުން މުބާރާތުގެ ދެވަނަ ލިބިފައިވަނީ ކުޅުދުއްފުށީ ޕެޓޫނިއާ، މުނާ މޫސާ އަށެވެ. އަދި މުބާރާތުގެ ތިންވަނަ ލިބިފައިވަނީ ކުޅުދުއްފުށީ އޯޒޯން، އަހުމީމު އަލީ އަށެވެ.

މުބާރާތުގައި އެންމެ ގިނަ މެޗުގެ ސްކޯ ދިމާކުރަށްވާ ތިން ފަރާތަކަށް 5500 ރުފިޔާގެ އިނާމު ވަނީ ހުށަހެޅިފައެވެ.

މިގޮތުން އެއްވަނަ އަށް އަންނަ ފަރާތަކަށް 1000 ރުފިޔާ އާއި 500 ޖީބީގެ ޑަބްލިޔުޑީ އެކްސްޓާނަލް ހާޑްޑިސްކްއެއް ދިނުމަށް ވަނީ ހަމަޖެހިފައެވެ. އަދި ދެވަނަ އަށް އަންނަ ފަރާތަކަށް 650 ރުފިޔާ އާއި 32 ޖީބީގެ ޕެންޑްރައިވް އެއް ވަނީ ހުށަހެޅިފައެވެ. މީގެއިތުރުން ތިންވަނަ އަށް އަންނަ ފަރާތަކަށް 350 ރުފިޔާ އާއި 8 ޖީބީގެ ޕެންޑްރައިވް އަކާއި ކެސްޕާސްކީ އިންޓަނެޓް ސެކިއުރިޓީ 2012 އެއް ދިނުމަށް ވަނީ ހަމަޖެހިފައެވެ.