ފަގީރުންނާއި މިސްކީނުންގެ ނަންނޯޓް ކުރުމުގެ ފުރުސަތު ކުޅުދުއްފުށީ ކައުންސިލުން ހުޅުވާލައިފި

.

އިބްރާހިމް ހަމީދު

ފަގީރުންނާއި މިސްކީނުންގެ ނަން ނޯޓް ކުރުމުގެ ފުރުޞަތު ކުޅުދުއްފުށީ ކައުންސިލުން ހުލުވާލައިފި އެވެ.

1433 ވަނައަހަރުގެ ފިތުރު ޒަކާތާއި 2012 ވަނައަހަރު މުދަލު ޒަކާތުން ލިބުމަށް އެދޭ ފަގީރުންނާއި މިސްކީނުންގެ ނަންނޯޓް ކުރުމަށް އެދޭ ފަރާތްތަކަށް ފޯމްދޫކުރުމާއި ބަލައިގަތުން ރަމަޟާންމަހުގެ 3 ވަނަ ދުވަހުން ފެށިގެން 15 ވަނަ ދުވަހުގެ ނިޔަލަށް ބަންދުނޫން ކޮންމެދުވަހަކު 10:30 އިން 12:00 އަށް ކައުންސިލް އިދާރާގައި ކުރިއަށްދާނެ ކަމަށް ކައުންސިލުން ބުނެއެވެ.

ފަގީރުންނާއި މިސްކީނުންގެ ނަން ހުށަހަޅަން ދޫކުރާ ފޯމްގައި ލިޔަން ޖެހޭނީ  އެމީހަކު ހަރަދުކޮށް ބަލަހައްޓަންޖެހޭ ފަރާތްތަކުގެ މަޢުލޫމާތު ކަމަށާއި ފޯމާއިއެކު ރައްވެހީންގެ ރަޖިސްޓްރީގެ ކޮޕީއެއް ހުށަހަޅަން ޖެހޭނެކަމަށް ކައުންސިލުން ބުނެއެވެ.

ކުޅުދުއްފުށީ ކައުންސިލުން ބުނިގޮތުގައި މިއަހަރުގެ ފަގީރުންނާއި މިސްކީނުންގެ ނަން ނޯޓުކުރުމަށް ފުރުޞަތު ހުޅުވާލުމާއެކު 2011 ވަނަ އަހަރު ނެރުނު ފަގީރުންގެ ލިސްޓް ބާތިލުވާނެ އެވެ.