ދީނީ ސުވާލު މުބާރާތުގެ އެއްވަނަ ކުޅުދުއްފުށީ އިރަމާގެ އާދަމް އިސްމާޢިލް އަށް

.

ކުޅުދުއްފުށީ އޮންލައިން އިން ރޯދަމަހަށް ހާއްސަކޮށް ގެނެސްދިން ރަމަޟާން ދީނީ ސުވާލު މުބާރާތުގެ އެއްވަނަ ކުޅުދުއްފުށީ އިރަމާގެ އާދަމް އިސްމާޢިލް އަށް ލިބިއްޖެއެވެ.

ރޯދަމަހު ކޮންމެ ދުވަހަކު ސުވާލެއް ގެނެސްދެވުނު ސުވާލު މުބާރާތުގެ ހުރިހާ ސުވާލެއްގެ ޖަވާބު 5 ފަރާތަކުން ވަނީ ދިމާކޮށްފައެވެ. އެހެންކަމުން އެއްވަނަ، ދެވަނަ އަދި ތިންވަނަ ކަނޑައަޅާފައި ވަނީ ގުރުއަތުލައިގެންނެވެ.

ގުރުއަތުން އާދަމް އިސްމާއިލް އަށް އެއްވަނަ ލިބުން އިރު، ދެވަނަ ލިބުނީ މއ. ގެމެންދޫގެ، މާލެ، ޝާހިދު ޔޫސުފްއަށެވެ. ތިންވަނަ ލިބުނީ ކުޅުދުއްފުށީ ގުލްތަރުޖަމާގޭ، މުޙައްމަދު އަބޫބަކުރުއަށެވެ.

އެސްއެމްއެސް މެދުވެރިކޮށް ޖަވާބު ފޮނުވޭގޮތަށް ހުޅުވާލި ސުވާލު މުބާރާތުގެ ހުރިހާ ސުވާލެއް ދިމާކުރި އަނެއް ދެފަރާތަކީ ކުޅުދުއްފުށީ ޕަސީނާ، އިރުޝާދު އަބްދުއްރަހްމާނާއި ކުޅުދުއްފުށީ ހަނީމޫނު، މުހައްމަދު އަލީ އެވެ.

މުބާރާތުގެ އެއްވަނަ އަށް ހޮވުނު ފަރާތަށް 1500 ރުފިޔާ ހުށަހެޅިފައިވާއިރު ދެވަނަ އަށް ކަނޑައެޅިފައިވަނީ 1000 ރުފިޔާ އެވެ. އަދި ތިންވަނަ އަށް ދިޔަ ފަރާތަށް 500 ރުފިޔާ ގެ ފައިސާގެ އިނާމު ދެވޭނެއެވެ.

ރަމަޟާން ދީނީ ސުވާލު މުބާރާތުގެ ސުވާލުތަކުގެ ޖަވާބު:

1- ނަމާދު ކުރާ މީހާގެ އައުރަ ނިވާ ކުރުމަކީ ނަމާދު ޞައްހަ ވުމުގެ ޝަރުތެއްތަ؟

ޖަވާބު: ޝަރުތެއް

2- ކޭތަ ނަމާދުގައި އޮންނަނީ ކިތައް ރަކުޢަތް؟

ޖަވާބު: ދެރަކުއަތް

3- ކީރީތި ޤުރުއާނުގައިވާ އެންމެ ދިގު އާޔަތް ހިމެނިފައި ވަނީ ކޮން ސޫރަތެއްގައި؟

ޖަވާބު: ސޫރަތުލް ބަޤަރާ

4- ޠަވާފު ކުރާއިރު ޙިޖުރު އިސްމާޢީލްގެ ތެރެއިން ލާފައި ޠަވާފުކޮށްފިނަމަ އެ ޠަވާފު ޞައްޙަވާނެތަ؟

ޖަވާބު: ނުވާނެއެވެ.

5- އުޙުދު ހަނގުރާމަ ހިނގީ ހިޖުރައިން ކިތައް ވަނަ އަހަރު؟

ޖަވާބު: ތިންވަނަ އަހަރު

6- އާޝޫރާ ދުވަހަކީ ކޮން މަހެއްގެ ކޮން ދުވަހެއް؟

ޖަވާބު: މުޙައްރަމު 10

7- ހުރުމަތްތެރި ވެގެންވާ މަސްތަކަކީ ކޮބާ؟

ޖަވާބު: މުޙައްރަމް، ރަޖަބް، ޒުލްޤައިދާ، ޒުލްޙައްޖު

8- ޤުރުއާނުގައި ވާ އެންމެ ކުރު ސޫރަތަކީ ކޮބާ؟

ޖަވާބު: ސޫރަތުލް ކައުޘަރު

9- ކީރީތި ގުރުއާނުގައި ނަންގަނެވިފައިވަނީ ކިތައް ނަބީބޭކަލުންގެ ނަންފުޅު؟

ޖަވާބު: ފަންސަވީސް

10- صفا އާއި مروة އާ ދެމެދު سعى ކުރުމަކީ ޙައްޖުގެ ރުކުނެއްތަ؟

ޖަވާބު: ރުކުނެއް

11- ނިޔަތް ގަތުމަކީ އަޅުކަންތައް ޞައްޙަ ވުމުގެ ޝަރުތެއް ހެއްޔެވެ؟

ޖަވާބު: ޝަރުތެއް

12- ހައިޟުވެރިޔާއަށް ޠަވާފުކުރުން ހުއްދަވާނެތަ؟

ޖަވާބު: ނުވާނެއެވެ.

13- މުދަލުން ޒަކާތް ނެރެން ޖެހެނީ ކިތައްބައިކުޅަ ކިތައްބައި؟

ޖަވާބު: ސާޅީސް ބައިކުޅަ އެއްބައި

14- މަޛްޔު ބޭރުވެއްޖެނަމަ ހިނައިގަންނަން ޖެހޭނެތަ؟

ޖަވާބު: ނުޖެހޭނެއެވެ.

15- ބަދުރު ހަނގުރާމަ ހިނގީ ކޮން ދުވަހަކު؟

ޖަވާބު: ރަމަޟާންމަހުގެ 17 ވަނަ ދުވަހު.

16- ބަލިވެ އިންނަ އަންހެނާގެ އިއްދައަކީ ކޮބާ؟

ޖަވާބު: ވިހަންދެން.

17- ޟުޙާ ނަމާދު ކުރަނީ ދުވާލުގެ ކޮން ވަގުތެއްގައި؟

ޖަވާބު: އިރު އެރުމަށްފަހު މެންދުރު ވަގުތުގެ ކުރިން.

18- ސުވަރުގޭގައި ރޯދަވެރިންނަށް ހާއްސަ ކުރެވިފައިވާ ދޮރުކޮޅަށް ކިޔަނީ ކޮންނަމެއް؟

ޖަވާބު: ބާބުއްރައްޔާން

19- އަޒާބެއްގެ ގޮތުގައި ގަދަފަދަ ފިނިވަޔެއް ފޮނުއްވާ ހަލާކުކުރެއްވީ ކޮންގައުމެއްގެ ބައެއް؟

ޖަވާބު: އާދުބާގައިގެ މީހުން

20- ކަށުނަމާދުގައި ވަނީ ކިތައް ތަކްބީރު؟

ޖަވާބު: ހަތަރެއް

21- ރޯދަ ފަރުޟުކުރެއްވުނީ ހިޖުރައިން ކިތައް ވަނަ އަހަރު؟

ޖަވާބު: ދެވަނަ އަހަރު

22- ޒަކާތުގެ ބެހެނިވެރިން ބެހިގެންވަނީ ކިތައް ބަޔަށް؟

ޖަވާބު: އަށްބަޔަށް

23- މައްކާ ފަތަހަ ކުރެއްވީ ހިޖުރައިން ކިތައް ވަނަ އަހަރު؟

ޖަވާބު: އަށްވަނަ އަހަރު

24- މުސްލިމުންގެ ފުރަތަމަ ޤިބުލައަކީ ކޮބާ؟

ޖަވާބު: މަސްޖިދުލް އަޤްޞާ

25- ގަނެވިއްކުން ހުއްދަ އެއްޗެއް، ރަހުނުގެ ގޮތުގައި ބެހެއްޓުމަކީ އިސްލާމްދީން ހުއްދަކުރާ ކަމެއްތަ؟

ޖަވާބު: ހުއްދަކަމެއް

26- ގަޛްފުކުރުމަކީ އިސްލާމްދީނުގައި ޙައްދު ކަނޑައެޅިފައިވާ ކުށެއްތަ؟

ޖަވާބު: ހައްދު ކަނޑައެޅިފައިވާ ކުށެއް.

27- ސުވަރުގެވަންތަ ވެރިންނަށް ސުވަރުގެއިން ލިބޭނެ އެންމެ ބޮޑު ނިޢުމަތަކީ ކޮބާ؟

ޖަވާބު: މާތް ﷲ ގެ ދީދާރުފުޅު ފެނުން

28- މަރުވެފައި ތިބޭ މީހުން މުއުޖިޒާތެއްގެ ގޮތުގައި، މާތް ﷲ ގެ ވާގިފުޅާއި އެކު ދިރުއްވުމުގެ ކުޅަދާނަކަން މާތް ﷲ ދެއްވީ ކޮން ނަބީބޭކަލަކަށް؟

ޖަވާބު: ޢީސާގެފާނު

29- އިސްލާމްދީނުގައި ޙައްދު ކަނޑައެޅިފައިވާ ކުށްތަކުގެ ތެރޭގައި ރާ ބުއިމުގެ ކުށް ހިމެނޭތަ؟

ޖަވާބު: ހިމެނެއެވެ.

30- އަޤީޤާ ކަތިލަނީ ކޮންކަމަކާ ގުޅުވައިގެން؟

ޖަވާބު: ދަރިއަކު ލިބުމުން / ދަރިންނަށް ނަންކިޔުން.