“ރިވައިވިން އިކޯކްލަބްސް އިން ސްކޫލްސް” ގެ ނަމުގައި ޖަލާލުއްދީން ސްކޫލުގައި ޕްރޮޖެކްޓެއް ފަށައިފި

.

މޯލްޑިވްސް ޔޫތު ކްލައިމެޓް ނެޓްވޯކްގެ ފަރާތުން “ރިވައިވިން އިކޯކްލަބްސް އިން ސްކޫލްސް” ގެ ނަމުގައި ޖަލާލުއްދީން ސްކޫލުގައި ޕްރޮޖެކްޓެއް ފަށައިފި އެވެ.

ޔުނިސެފް އާއި މިނިސްޓްރީ އޮފް އެޑިއުކޭޝަންގެ އެޑިއުކޭޝަން ޑިވެލޮޕްމަންޓް ސެންޓަރ ގުޅިގެން އަމިއްލަ ޖަމިއްޔާއެއް ކަމުގައިވާ މޯލްޑިވްސް ޔޫތު ކްލައިމެޓް ނެޓްވޯކުން ތިންމަސް ދުވަހުގެ މުއްދަތަކަށް ކުރިއަށް ގެންދާ މިޕްރޮޖެކްޓްގެ މަޤްޞަދަކީ ދެމެހެއްޓެނިވި ގޮތެއްގައި ތިމާވެށި ރައްކާތެރިކުރުމާއި ހޭލުންތެރިކުރުމުގައި ސްކޫލުތަކުގެ ތިމާވެށި ކްލަބްތައް، އަދި ރަށުގެ އެހެން ޖަމިއްޔާތައް ގުޅިގެން ހަރުދަނާގޮތެއްގައި ހިންގާނެ ގޮތުގެ މޮޑެލްއެއް ގާއިމު ކުރުން ކަމުގައި މޯލްޑިވްސް ޔޫތު ކްލައިމެޓް ނެޓްވޯކުން މަޢުލޫމާތު ދެއެވެ.

މި ޕްރޮޖެކްޓް ފެއްޓުމުގެ ގޮތުން އެފަރާތުން ވަނީ ކުޅުދުއްފުށީ ކައުންސިލް އާއި ކްލަބް ޖަމިއްޔާތަކާ ބައްދަލުކޮށް އެފަރާތްތަކަށް އަދާކުރެވިދާނެ ގޮތާ ބެހޭގޮތުން މަޢުލޫމާތު ދީފައެވެ. މިގޮތުން ދެކެވުނު ވާހަކައިގައި ކުޅުދުއްފުއްޓަށް ދިމާވެފައިވާ ތިމާވެށީގެ ގޮންޖެހުންތަކާއި، މޫސުމަށް އަންނަ ބަދަލުތަކާ ގުޅޭގޮތުން ހޭލުންތެރިކަން އިތުރު އިތުރު ކުރުމަށްޓަކައި ރަށު ފެންވަރުގައި ކުރެވެމުންދާ މަސައްކަތްތަކާ ބެހޭގޮތުން ވާހަކަ ދެކެވުނެވެ.