ރެޑްކްރެސެންޓްގެ ފަރާތުން ކުޅުދުއްފުށީގައި ޔޫތު ކޭމްޕެއް ބާއްވަނީ

.

ދިވެހި ރެޑްކްރެސެންޓްގެ ފަރާތުން ކުޅުދުއްފުށީގައި ޔޫތު ކޭމްޕެއް ބޭއްވުމަށް ހަމަޖައްސައިފި އެވެ.

ރެޑްކްރެސެންޓުގެ ކޮމިއުނިކޭޝަން އެންޑް ރިސޯސް މޯބައިލަޒޭޝަަން މެނޭޖަރ، އަޙްމަދު ޝިފާޒް ކުޅުދުއްފުށީ އޮންލައިންނަށް މަޢުލޫމާތު ދެއްވަމުން ވިދާޅުވީ، މިޔޫތު ކޭމްޕް ބޭއްވުމުގެ މަޤްޞަދަކީ ރެޑްކްރެސެންޓުގެ ސްޓްރެޖިކް ޕްލޭންގެ ހަތަރު ވަނަ އަސާސް ގެ ތެރޭގައި ހިމެނޭ ޒުވާނުންނަށް ރެޑްކްރެސެންޓާބެހޭ މައުލޫމާތު ފޯރުކޮށްދިނުމާއި، ލީޑަރޝިޕް ހުނަރުތަކާއި، ދިރިއުޅުމުގެ ހުނަރުތައް ތަރައްޤީކުރުމަށް އެހީތެރިވެދިނުން ކަމުގައެވެ.

މިހިނގާ ސެޕްޓެމްބަރ މަހުގެ 16 އިން 20 ގެ ނިޔަލަށް ކުޅުދުއްފުށީގައި ބޭއްވުމަށް ހަމަޖެހިފައިވާ މި ކޭމްޕްގައި 18 އަހަރާއި 25 އަހަރާ ދެމެދުގެ ޒުވާނުންނަށް ބައިވެރި ވެވޭ ގޮތަށް ވަނީ ހަމަޖެހިފައެވެ. ފުރަތަމަ ނަންނޯޓް ކުރާ 25 ފަރާތަކަށް މި ކޭމްޕްގައި ތަމްރީން ދިނުމަށް ހަމަޖެހިފާވާއިރު، ކޭމްޕްގެ ބައިވެރިންނަށް ކިޔަވައިދޭ ބައިތައް ބޭނުންކޮށްގެން ޕްރޮޖެކްޓެއް ރާވާ އިމްޕްލިމެންޓް ކުރުމަށް ވަނީ ކަނޑައަޅާފައެވެ.

ޝިފާޒް އިތުރަށް ވިދާޅުވީ މިފަދަ ކޭމްޕެއް މާލެއާއި ފުވައްމުލަކުގައިވެސް ކާމިޔާބު ކަމާއެކު ނިންމާލެވިފައިވާ ކަމަށާއި ކުޅުދުއްފުށިންވެސް އެދެވޭ ތަރުޙީބެއް ލިބޭނެ ކަމަށް އުއްމީދު ކުރައްވާ ކަމަށެވެ.

ދިވެހި ރެޑްކްރެސެންޓްގެ ގޮތްޕެއް ކުޅުދުއްފުށީގައި ވެސް ގާއިމުކޮށްފައި ހުރެއެވެ.

ގުޅޭ ލިޔުން:

ބޭސިކް ފަސްޓް އެއިޑް ޓްރެއިނިންގ އާއި ލައިފް ސްކިލް އެވެއަރނެސް ޕްރޮގްރާމް ވަރަށް ކާމިޔާބު – ދިވެހި ރެޑްކްރެސެންޓް

ރެޑް ކުރެސެންޓްގެ ކުޅުދުއްފުށީ ގޮފިން ލޯކަލް ބަނދަރު ސަރަހައްދު ސާފުކޮށްފި

ދިވެހި ރެޑްކުރެސެންޓްގެ ކުޅުދުއްފުށީ ޔުނިޓް ބޯޑްގެ އިންތިޚާބް ބާއްވައިފި