.
ކުޅުދުއްފުށީ ކައުންސިލް މެމްބަރުންނާ އެމްޑީޕީގެ ޗެއަރޕާސަން ރީކޯ މޫސަ މަނިކު ބައްދަލުކުރައްވައިފި އެވެ.
އެމްޑީޕީގެ އޮފީހުގައި އިއްޔެރޭ އޮތް އެ ބައްދަލުވުމުގައި ރައްޔިތުންގެ މަޖިލީހުގެ ކުޅުދުއްފުށީ އުތުރު ދާއިރާގެ މެމްބަރު އަބްދުލް ޣަފޫރު މޫސާވެސް ބައިވެރިވެވަޑައިގެންފައިވާ ކަމަށް އެމްޑީޕީއިން ބުނެއެވެ.
އެމްޑީޕީގެ ރަސްމީ ވެބްސައިޓުގައި ބުނެފައިވަނީ އެ ބައްދަލުވުމުގައި، އެމްޑީޕީގެ ސަރުކާރު ބަދަލުވުމުން އެންމެ ބޮޑަށް ގެއްލުންވި ރަށަކީ ކުޅުދުއްފުށި ކަމަށް ކައުންސިލުގެ މެމްބަރުން ފާހަގަކުރެއްވި ކަމަށެވެ. އަދި ކުޅުދުއްފުއްޓަށް ރައްޔިތުންގެ މަޖިލީހުގެ މެމްބަރު އަބްދުލްޣަފޫރު މޫސާ ވެދެއްވާ އެހީތަށް ފާހަގަކޮށް އެކަމަށްޓަކައި ޝުކުރުއަދާކޮށްފައިވާ ކަމަށް އެބަޔާނުގައި ވެއެވެ.
އެ ބައްދަލުވުމުގައި ޣަފޫރު ދެއްކެވި ވާހަކައިގައި، ކުޅުދުއްފުށީ ހޮސްޕިޓަލް ވެސް އާދައިގެ ސިއްހީ މަރުކަޒެއްގެ ދަރަޖައަށް ވެއްޓިފައިވާ ކަން ފާހަގަކުރެއްވި ކަމަށާއި އަދި ކުޅުދުއްފުއްޓާއި އަތޮޅުތަކުގެ އެހެން ރަށްރަށުގެ ތަރައްގީގެ މަޝްރޫއުތައް މިހާރު ހުއްޓާލާފައިވީ ނަމަވެސް އެ މަޝްރޫއުތަކަށް އެމްޑީޕީ ސަރުކާރުން ބަޖެޓްކުރި ފައިސާ މިއަހަރުގެ ބަޖެޓުގައި ހުންނާނޭ ކަމަށް ޣަފޫރު ވިދާޅުވި ކަމަށް އެމްޑީޕީއިން ބުންޏެވެ.
ކުޅުދުއްފުށީ ކައުންސިލް އާއެކު ބޭއްވި ބައްދަލުވުމުގައި އެމްޑީޕީގެ ޗެއަރޕާސަން ރީކޯ މޫސާ މަނިކު ވިދާޅުވީ މިހާރު ސަރުކާރާ ހަވާލުވެގެން ތިބި ފަރާތްތަކުން ރައްޔިތުންގެ ލާބައާއި މަންފާއަށް ކަމެއް ކޮށްފާނޭ ކަމަށް ދެކެވަޑައިނުގަންނަވާ ކަމަށެވެ. އެހެން ނަމަވެސް އެމްޑީޕީ ސަރުކާރުން ފަށާފައިވާ އަދި ފަށަން ހަމަޖެއްސި ތަރައްގީގެ މަޝްރޫއުތައް ހިންގުމަށް މަޖިލިސް މެދުވެރިކޮށް މަސައްކަތްކުރައްވާނޭ ކަމަށް މޫސަ ވިދާޅުވި އެވެ.
ކުޅުދުއްފުށީގައި އެމްޑީޕީގެ ހަރަކާތްތައް ވަރަށް ފޯރިއާއެކު ކުރިޔަށްދާ ކަމަށާއި، އެރަށުގައި މިހާރުވެސް އެމްޑީޕީގެ އިތުރު ހަރުގެތައް އެޅުމުގެ މަސައްކަތް ކުރިޔަށްދާކަން ކައުންސިލުގެ މެމްބަރުން އެ ބައްދަލުވުމުގައި ފާހަގަ ކުރެއްވި ކަމަށް އެމްޑީޕީއިން ބުނެއެވެ.
ކުރީގެ ސަރުކާރުން ކުޅުދުއްފުއްޓާއި މަތިއުތުރުގެ ސަރަހައްދުގައި ހިންގުމަށް ރާވާފައިވާ 21 ޕްރޮޖެކްޓެއްގެ މަސައްކަތް ހުއްޓުމަކަށް އައީ އެޕްރޮޖެކްޓް ތަކުގެ ކޮންސެޕްޓް ޑިޒައިންތައް ވެސް ނިމިފައި ވަނިކޮށް ކަމަށް ކުޅުދުއްފުށި ކައުންސިލްއިން މީގެ ކުރިން ވަނީ ބުނެފައި އެވެ.
ކުޅުދުއްފުށީ ކައުންސިލްގެ ހަތް މެމްބަރުންނަކީ ވެސް އެމްޑީޕީއަށް ނިސްބަތްވާ މެމްބަރުންނެވެ.
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
