އެންމެ 10ރ އަށް ވަތަނިއްޔާގެ ނަމްބަރުތަކަށް މުޅިދުވަހު ހިލޭ ގުޅާލެވޭ ޕެކޭޖެއް ތައާރަފްކޮށްފި

.

ދުވާލަކު ހަމަ އެންމެ 10 ރުފިޔާ ހޭދަކޮށްގެންެ ކޮންމެ ނަމްބަރަކަށްވެސް މުޅި ދުވަހު ހިލޭ ގުޅާލެވޭ ޕެކޭޖެއް ވަތަނިއްޔާއިން ތައާރަފް ކޮށްފިއެވެ.

މި ޕެކޭޖަކީ އޮގަސްޓްމަހު ވަތަނިއްޔާއިން ތައާރަފްކުރި ” ލިވް އަންލިމިޓެޑް” ގެ ދަށުން ތައާރަފްކުރި އާ ޕެކޭޖެކެވެ. ވަތަނިއްޔާގެ ޕްރީޕެއިޑް ބޭނުންކުރައްވާ ކަސްޓަމަރުންނަށް ޚާއްސަ ކޮށްގެން ތައާރަފް ކުރި” ޑެއިލީ އަންލިމިޓެޑް 10″ ޕެކޭޖްގައި ވަތަނިއްޔާގެ ކޮންމެ ނަމްބަރަކަށްވެސް ހިލޭ ގުޅޭނެއެވެ.

ހަމަމިއާއެކު 99 ރުފިޔާ އަށް މުޅި ހަފްތާގެ ކުންމެ ދުވަހެއްގެ ކޮންމެ ވަގުތެއްގައިވެސް ގުޅޭގޮތަށް ” ވީކްލީ އަންލިމިޓެޑް 99″ގެ ނަމުގައިވެސް ޕެކޭޖެއްވަނީ ތައާރަފްކޮށްފައެވެ.

މީޑިޔާ ތަކަށް މައުލޫމާތު ދެއްވަމުން ވަތަނިއްޔާގެ ހެޑް އޮފްމާކެޓިންގް އައިޝަތު ޒަމްރާ ޒާހިރު ވިދާޅުވީ ވަތަނިއްޔާގެ މަޤްޞަދަކީ ކަސްޓަމަރުންނަށް ލުއިފަސޭހަ ހިތްހަމަޖެހޭ ޚިދުމަތެއް ފޯރުކޮށްދިނުން ކަމަށާއި އެކަން ހާޞިލް ވަމުން އެބަދާކަމަށެވެ.

މި ޚިދުމަތްތައް ފަސޭހަކަމާއެކު އެކްޓިވޭޓް ކުރެވޭނެ ގޮތްތަކެއް ވަނީ އާއްމުކޮށްފައެވެ.

މިގޮތުން ” ލިވް އަންލިމިޓެޑް” ޕެކޭޖަށް ވަތަނިއްޔާގެ ރާސްޓަސް މެދުވެރިކޮށް ބޭނުންވެލައްވާ އަދަދެއް ރާސްޓަސް ކުރެއްވުމުން އެޕެކޭޖް އެކްޓިވޭޓްވާނެއެވެ. އަދި “ލިވް އަންލިމިޓެޑް” ގެ ކީ ވޯޑް 1111 އަށް މެސެޖް ކުރައްވައިގެން ވެސް އެ ފެކޭޖެއް އެކްޓިވޭޓް ކުރެއްވޭނެއެވެ.

2005 ވަނަ އަހަރުން ފެށިގެން ރާއްޖޭގައި މުވާސަލާތީ ޚިދުމްތް ދޭ ކުންފުނިން މިފަހަރު ތައާރަފް މިކުރި ޒަމާނީ ޚިދުމަތާއެކު މޯބައިލް ފޯނުގެ ޚިދުމަތަށް އެއްދުވަހުން އަނެއް ދުވަހަށް ކުރަންޖެހޭ ޚަރަދުތައް ކުޑަވެގެން ދާނެކަމަށް ވަތަނިއްޔާ އިން ބުނެއެވެ.