އުނގޫފާރު ދާއިރާގެ މެމްބަރު އަދި މަޝްހޫރު ދީނީ އިލްމުވެރިޔާ ވަޅިން ހަމަލާދީ އަވަހާރަ ކޮށްލައިފި

.

ރައްޔިތުންގެ މަޖިލީހުގައި އުނގޫފާރު ދާއިރާ ތަމްސީލް ކުރައްވާ މެމްބަރު ޑރ އަފްރާޝީމް އަލީ ވަޅިއަކުން ހަމަލާދީ ރޭ އަވަހާރަ ކޮށްލައިފި އެވެ.

ރޭ ޓީވީއެމްގެ ޕްރޮގްރާމެއް ނިންމާލެއްވުމަށްފަހު ގެއަށް ދުރުވަނިކޮށް ހަމަލާދީފައިވާއިރު، އަފްރާޝީމް އޭޑީކޭ ހޮސްޕިޓަލަށް ގެންދިޔަ އިރު ވެސް ވަނީ އަވަހާރަވެފައިކަމަށް ފުލުހުން މައުލޫމާތު ދެއްވައެވެ. އަފްރާޝީމް އަވަހާރަކޮށްލުމާއި ގުޅިގެން ސަރުކާރާއި ހެޔޮއެދިވަޑައިގަންނަވާ ފަރާތްތަކުން ދަނީ ތައުޒިޔާ ފޮނުވަމުންނެވެ.

އެމަރުހޫމުގެ މޫނުދެއްކުން އިސްލާމީ މަރުކަޒުގައި ކުރިއަށްދާއިރު މިއަދުގެ އަސުރު ނަމާދަށްފަހު ރަސްމީ އިއްޒަތުގައި ފަސްދާނުލުމަށް ސަރުކަރުން ވަނީ ހަމަޖައްސަވާފައެވެ. މިއަދުން ފެށިގެން 3 ދުވަހުގެ ނިޔަލަށް ޤައުމީ ދިދަ ބައި ދަނޑިއަށް ތިރިކުރުމަށްވެސް ސަރުކާރުން ވަނީ ނިންމަވާފައި އެވެ.

އުމުރުފުޅުން 46 އަހަރުގެ އަފްރާޝީމް އަވަހާރަވިއިރު އަނބިކަނބަލަކާއި 3 ބޭފުޅުން ދުނިޔޭގައި އެބަތިއްބެވި އެވެ.