މިއަހަރުގެ އޯލެވެލް އަދި އެސްއެސްސީ އިމްތިހާން މިއަދު ފެށިއްޖެ

.

2012 ވަނަ އަހަރުގެ އޯލެވެލް އަދި އެސްއެސްސީ އިމްތިހާން މިއަދު ހެނދުނު ފެށިއްޖެއެވެ.

މިގޮތުން ކުޅުދުއްފުށީ ޖަލާލުއްދީން ސްކޫލުގައި ވެސް މިއަދު ވަނީ އިމްތިހާނު ހަދަން ފަށާފައެވެ.

މީގެ އިތުރުން ރާއްޖޭގެ ހުރިހާ ސްކޫލެއްގައިވެސް މިއަދު ހެނދުނު 9 ޖެހި އިރު އިމްތިހާން ހަދަން ފެށިއެވެ. ފުރަތަމަ އިމްތިހާނެއްގެ ގޮތުން މިއަދު ހެނދުނު އޮތީ އިސްލާމެވެ. ދޮޅުމަސް ދުވަހަށް ދިގު ދެމިގެންދާ މިއިމްތިހާން އަންނަ މަހުގެ 17ގެ ނިޔަލަށް ކުރިއަށް ދާނެއެވެ.

މިއަހަރު މުޅިރާއްޖެއިން 10ހާހަށް ވުރެ ގިނަ ދަރިވަރުން އޯލެވެލް އިމްތިހާންގައި ބައިވެރިވާއިރު ކުޅުދުއްފުށީ ޖަލާލުއްދީން ސްކޫލުން 190 ދަރިވަރުން އިމްތިހާނުގައި ބައިވެރިވެއެވެ.